Zacarías, pai de Xoán Bautista
![]() | |
Biografía | |
---|---|
Nacemento | século I a. C. ![]() Hebrom (pt) ![]() ![]() |
Morte | século I ![]() Xerusalén ![]() |
Datos persoais | |
Relixión | Monoteísmo ![]() |
Actividade | |
Ocupación | sacerdote ![]() |
Enaltecemento | |
Día de festividade relixiosa | 5 de setembro ![]() |
Obra | |
Obras destacables
| |
Familia![]() | |
Familia | Aharón, Cohen (pt) ![]() ![]() ![]() |
Cónxuxe | Sabela, nai de Xoán Bautista |
Fillos | Xoán o Bautista ![]() |
San Zacarías (זכריה en hebreo, Ζαχαρίας en grego) é un santo que aparece mencionado na Biblia e no Corán. Na Biblia é un sacerdote da familia de Arón e o pai de San Xoán Bautista. Estaba casado con Santa Sabela, quen era parente da Virxe María.
Descrición bíblica
[editar | editar a fonte]De acordo co Evanxeo de Lucas, durante o reinado de Herodes o Grande, había un sacerdote chamado Zacarías, da casa de Abías, cuxa muller, Sabela, era tamén da familia de Arón. O catro evanxelistas din que ambos os pais eran "rectos ante Deus", e non cometían ningunha falta á hora de observar os mandamentos e ordes de Deus. Zacarías non tiña fillos porque Isabel era estéril e ambos eran de idade avanzada (Lucas 1:5-7).
Os deberes no Templo de Xerusalén alternábanse entre cada unha das liñas familiares descendentes dos designados polo rei David (Crónicas 24:1-19).[1]
O Evanxeo de Lucas di que, mentres Zacarías atopábase no altar, aparecéuselle un anxo que lle anunciou que a súa esposa daría a luz a un fillo, ao que debería chamar Xoán, e que este fillo sería seguidor de Deus.(Lucas 1:12-17). Zacarías mencionou a avanzada idade da súa muller e preguntoulle incrédulo ao anxo por un sinal que lle garantise a profecía. En resposta, o anxo identificouse como Gabriel, e dixo que fora enviado especialmente por Deus para facer o seu anuncio, e engadiu que por mor da súa dúbida quedaría mudo até o día en que se cumprise a profecía. En consecuencia, cando saíu do templo foi incapaz de pronunciar a súa bendición aos fregueses que había nos patios exteriores do templo (Lucas 1:18-29).
Tras regresar á súa casa, en Hebrón, a súa esposa Sabela quedou encinta. Despois de que Sabela completase o seu quinto mes de embarazo, a súa parente María foi visitada polo mesmo anxo, Gabriel. María foi cuberta polo espírito santo e, aínda que seguía sendo virxe, quedou embarazada de Xesús. Entón, María foi visitar a súa parente Sabela, porque o anxo dixéralle que ela estaba no seu sexto mes de embarazo. María regresou ao seu fogar tres meses despois.
Sabela deu a luz e, ao oitavo día, levaron ao bebé a ser circuncidado, tal e como esixían as normas relixiosas. Os seus veciños e parentes asumiran que o fillo se chamaría como o seu pai, seguindo o costume. Sabela, no entanto, insistiu en que o seu nome fose Xoán, polo que a familia preguntou ao seu marido. Entón, Zacarías escribiu nunha táboa "O seu nome é Xoán" e, a continuación, recuperou a fala e bendiciu ao Señor Deus de Israel cunha profecía coñecida por algúns como Benedictus (Lucas 1:57-79). O fillo creceu e "fortaleceu o seu espírito", pero retirouse aos desertos de Xudea ata que asumiu o seu ministerio relixioso, gañando o nome de Xoán Bautista.
Notas
[editar | editar a fonte]![]() |
Wikimedia Commons ten máis contidos multimedia na categoría: Zacarías, pai de Xoán Bautista |