Yusif Muhsin Bixara

Na Galipedia, a Wikipedia en galego.
يوسف محسن بشارة
(Yusif Muhsin Bixara)
Arcebispo da Igrexa católica maronita
Biografía
Nacemento19 de marzo de 1935 en Arbi-Qushaya
Pasamento9 de xuño de 2020
Ordes
Ordenación sacerdotal19 de abril de 1963
Consagración episcopal18 de maio de 1986, por Nasrala Pedro Sufair
Arcebispo de Antilias
1988 - 2012

Yusif Muhsin Bixara[1] (en árabe: يوسف محسن بشارة), nado en Arbi-Qushaya o 19 de marzo de 1935 e finado o 9 de xuño de 2020, foi un eclesiástico católico maronita, arcebispo de Chipre entre 1986 e 1988, e arcebispo de Antilias entre 1988 e 2012.

Traxectoria[editar | editar a fonte]

Naceu o 19 de marzo de 1935 en Arbi-Qushaya, entón parte do Gran Líbano.[2] O 19 de abril de 1963 foi ordenado sacerdote.[2]

O 4 de abril de 1986 foi nomeado arcebispo de Chipre.[2] Foi ordenado bispo o 18 de maio seguinte, polo patriarca Nasrala Pedro Sufair, e tivo como co-ordenantes ao bispo de Xunia Xukrala Harb e ao bispo curial Rulan Abu Xauda.[2]

O 11 de xuño de 1988 foi nomeado arcebispo de Antilias.[2] Permaneceu no cargo até que se retirou o 16 de xuño de 2012. Finou o 9 de xuño de 2020.

Notas[editar | editar a fonte]

  1. Tamén Youssef Mohsen Béchara.
  2. 2,0 2,1 2,2 2,3 2,4 Annuario pontificio (en italiano). Libreria Editrice Vaticana. 2007. p. 109. ISBN 9788820979089. Antélias dei Maroniti [...] Youssef Béchara, n. in Arbet-Kozhaya, arciep. di Tripoli del Libano dei Maroniti, 19 mar. 1935; ord. 19 apr. 1963; el. a Cipro dei Maroniti 4 apr. 1986; cons. 18 magg. 1986; tr. 11 giu. 1988.