Wilkinson Microwave Anisotropy Probe

Na Galipedia, a Wikipedia en galego.
(Redirección desde «WMAP»)
Para outros usos de MAP véxase MAP (homónimos).
MAP / WMAP / Wilkinson Microwave Anisotropy Probe
Representación artística da WMAP en camiño da súa órbita de traballo.
TipoCientífico
OrganizaciónNASA
Destino actualEn órbita, fóra de servizo.[1][2][3]
Data de lanzamento30 de xuño de 2001, 19:46 GMT[1][4][5][6]
Foguete portadorDelta 7425[1][3]
Sitio de lanzamentoCentro Espacial de Cabo Cañaveral, rampla 17B[1][2]
Obxectivo da misiónEstudo do fondo cósmico de microondas.[1][2]
NSSDC ID2001-027A
Masa840,0 kg[1]
Potencia419,0 vatios[1]

WMAP (acrónimo de Wilkinson Microwave Anisotropy Probe, Sonda de Anisotropía de Microondas Wilkinson) foi un observatorio espacial estadounidense lanzado o 30 de xuño de 2001 mediante un foguete Delta 7425 desde o Centro Espacial de Cabo Cañaveral cara a unha órbita de Lisajous arredor do punto de Lagrange L2 do sistema Terra-Sol.[1][2][3]

Características[editar | editar a fonte]

WMAP pertence ó programa Explorer da NASA, e dentro deste programa pertence ás naves de clase MIDEX, no que se encadran as sondas de presuposto medio. A súa misión era observar e estudar o fondo cósmico de microondas para determinar algúns parámetros da teoría do Big Bang, investigar como e cando se formaron as primeiras galaxias. Para iso o observatorio medía as diferenzas de temperatura entre diferentes partes do ceo no rango das microondas.[1][2][3]

O observatorio foi lanzado cara o punto de Lagrange L2 do sistema Terra-Sol, a 1,5 millóns de quilómetros de distancia da Terra na dirección contrario ao Sol, onde a gravidade dos dous corpos maiores se equilibran e o observatorio pode permanecer orbitando sen que nin a Terra nin o Sol lle pasen por diante.[1][2][3]

Notas[editar | editar a fonte]

  1. 1,00 1,01 1,02 1,03 1,04 1,05 1,06 1,07 1,08 1,09 NASA (1 de xullo de 2013). "WMAP" (en inglés). Consultado o 25 de xullo de 2013. 
  2. 2,0 2,1 2,2 2,3 2,4 2,5 Mark Wade (2011). "MAP" (en inglés). Consultado o 25 de xullo de 2013. 
  3. 3,0 3,1 3,2 3,3 3,4 Gunter Dirk Krebs (2013). Gunter's Space Page, ed. "Explorer: MAP (WMAP, MIDEX 2, Wilkinson)" (en inglés). Consultado o 25 de xullo de 2013. 
  4. N2YO (2011). Real Time Satellite Tracking, ed. "MAP" (en inglés). Consultado o 25 de xullo de 2013. 
  5. "Note verbale dated 23 October 2001 from the Permanent Mission of the United States of America to the United Nations (Vienna) addressed to the Secretary-General" (PDF) (01-88239). 31 de outubro de 2001: 5. Consultado o 25 de xullo de 2013. 
  6. Claude Lafleur (2010). "MAP" (en inglés). Consultado o 25 de xullo de 2013. 

Véxase tamén[editar | editar a fonte]