Voo 204 de China Airlines

Voo 204 de China Airlines
Instancia de accidente de aviación
Datas e cronoloxía
Data 26 de outubro de 1989
Características
Nave Boeing 737 Classic
Causado por pilot error (en)
Implicados
Operador/a China Airlines
Número de implicados
Mortes	54
Superviventes	0
Localización
Localización Hualien Airport (en) 花蓮市
Coordenadas 24°04′11″N 121°29′26″L
Lugar de saída Hualien Airport (en)
Lugar de chegada Taipei Songshan Airport (en) Aeroporto internacional de Taiwán Taoyuan Taipei
Wikidata

O voo 204 de China Airlines foi un Boeing 737-200 que se esnafrou contra unha montaña tras engalar do aeroporto de Hualien, en Taiwán, o día 26 de outubro de 1989. O accidente matou os 54 pasaxeiros e tripulantes a bordo do avión.

Avión

O aparello do accidente era un Boeing 737-209, con rexistro B-180, que voara por vez primeira o 3 de decembro de 1986 e fora entregado á aeroliña dúas semanas despois.

Accidente

O voo 204 engalou do aeroporto de Hualien nun servizo curto ata o aeroporto de Taipei Sungshan na illa de Taiwán. A bordo do Boeing 737 había 47 pasaxeiros e 7 tripulantes. Dez minutos despois da engalaxe, tras alcanzar unha altura de 7 000 pés (2 100 m) chocou contra unha montaña, parte da cordilleira de Chiashan, a 5,5 km ao norte do aeroporto. Os 54 pasaxeiros e tripulantes a bordo do avión morreron.

Causa

A causa principal do accidente foi un erro da tripulación, composta por un capitán experimentado e un copiloto novato, engalando pola pista incorrecta, xunto co control de terra, que non se decatou do erro. O avión entón realizou o procedemento de trepada para a pista correcta, facendo que o aparello fixese un xiro á esquerda cara ás montañas en vez dun xiro á dereita cara ao mar.