A Vitoria de Samotracia (en grego antigo, Νίκη της Σαμοθράκης / Níkê tês Samothrákês) é unha estatua de época helenística, de aproximadamente do ano 190 antes de Cristo, realizada en mármore branco que representa a divindade grega Atenea Nike[1] (Atenea que achega a vitoria). Esta estatua consérvase no museo do Louvre en París (Francia).
O estilo é característico da escola de Rodas e, aínda que non se coñece con certeza quen foi o escultor, crese que a estatua foi creada polo escultor Pitócrito,[2] quen estivo activo arredor do ano 200 a. C.[3]
Dende 1884, a escultura exhíbese no Museo do Louvre, en París. É unha das estatuas máis famosas da antigüidade clásica e unha das poucas que sobreviviu na súa forma grega orixinal, en lugar de a través de copias romanas.