Vince Melouney
  | |
| Biografía | |
|---|---|
| Nacemento | (en) Vincent Kevin Melouney 18 de agosto de 1945 (78 anos)Sydney, Australia |
| Datos persoais | |
| País de nacionalidade | Australia |
| Actividade | |
| Ocupación | guitarrista , compositor de cancións , músico |
| Período de actividade | 1965 - |
| Xénero artístico | Música rock |
| Tesitura | Tenor |
| Instrumento | Guitarra |
| Selo discográfico | Polydor Records Atco Records Kapp Records |
    | |
Vince Melouney, nado o 18 de agosto de 1945 en Sydney, é un guitarrista e letrista australiano que formou parte dos grupos Billy Thorpe & The Aztecs, Vince & Tony's Two, Bee Gees, Fanny Adams e The Vince Maloney Sect.
Carreira[editar | editar a fonte]
Foi un dos membros fundadores de Billy Thorpe & The Aztecs, servindo como o guitarrista principal de 1963 a 1965, logo formou un dúo de curta vida co antigo compoñente dos Aztecs Tony Barber, denominado Vince & Tony's Two. En 1966 gravou "I Need Your Lovin' Tonight" e a súa cara B "Mystery Train" con Barry Gibb, Robin Gibb e Maurice Gibb cantando os coros en ámbalas dúas cancións.[1]
En 1967, despois de se instalar no Reino Unido e contactar cos irmáns Gibb, que xa coñecera en Australia, entrou nos Bee Gees. Foi o guitarrista principal nos seus primeiros tres álbums; Bee Gees' 1st, Horizontal e Idea. En xuño de 1968 escribiu e gravou "Such a Shame" que se editou na versión británica do álbum Idea. O 1 de decembro de 1968 actuou por última vez cos Bee Gees.[2]
En 1969, formou un supergrupo de curta vida, Fanny Adams, con Doug Parkinson, Teddy Toi e Johnny Dick que gravou un álbum Fanny Adams.[3] No verán de 1976 escribiu para os Bee Gee "Let It Ride" e "Morning Rain", pero finalmente non se gravaron[4].A comezos da década de 1980 regresou a Australia, actuando en xiras con John Paul Young co nome de John Paul Young and The All Stars, dedicouse despois á publicidade [5]. En 1999 actuou de novo cos Bee Gees nun concerto en Sidney e realizou unha xira con Billy Thorpe and the Aztecs en 2002/3, ao seu remate editou o seu primeiro álbum en solitario "Here At Last", reeditado ao ano seguinte como Covers con novos temas, incluíndo versións de cancións de Steve Millers, Billy Joel ou Rufus Thomas.
Discografía[editar | editar a fonte]
Billy Thorpe & The Aztecs[editar | editar a fonte]
- "I Told The Brook" / "Funny Face" (1965)
- "Twilight Time" / "My Girl Josephine (1965)
- "Hallelujah I Love Her So" / "Baby Hold Me Close" (1965)
- "Poison Ivy" / "Blue Day" (1965)
- "Love Letters" / "Dancing In The Street" (1965)
Bee Gees[editar | editar a fonte]
- Bee Gees' 1st (1967)
- Horizontal (1968)
- Idea (1968)
- Odessa (1969)
Notas[editar | editar a fonte]
- ↑ Joseph Brennan. "Gibb Songs: 1966".
- ↑ Tobler, John (1992). NME Rock 'N' Roll Years (1st ed.). London: Reed International Books Ltd. p. 190. CN 5585.
- ↑ Discogs.com. "Fanny Adams: Fanny Adams".
- ↑ Joseph Brennan. "Gibb Songs: 1976".
- ↑ "Vince Meloney. Entrevista con Claudia Seeger". Arquivado dende o orixinal o 01 de xuño de 2013. Consultado o 16 de xuño de 2013.
