Nun futuro non moi afastado, Inglaterra é un país totalitario. Tras o toque de queda nocturno, a adolescente Evey Hammond é rescatada en plena rúa por un misterioso enmascarado que se fai chamar V. A partir dese momento, a aparición de V orixinará unha revolución contra o goberno fascista dirixido polo tirano Adam Susan.
A banda deseñada V for Vendetta foi adaptada cinematograficamente como V de Vendetta por James McTeigue nunha obra que viu a luz en 2006. Entre o filme e a serie de banda deseñada hai lixeiras diferenzas, especialmente no que atinxe ás orixes de Evey Hammond (desenvolvidas con maior profundidade no cómic), a relación entre Hammond e a personaxe de Gordon Dietrich, a omisión (no filme) da historia de Rsoemary Almond, ou a supresión cinematográfica de varias referencias explícitas ao anarquismo.
