Unión Liberal (1983)

Na Galipedia, a Wikipedia en galego.

Unión Liberal (UL) foi un pequeno partido liberal español fundado por Pedro Schwartz en 1983.

Nas eleccións xerais de 1982, Pedro Schwartz presentouse como independente dentro da coalición formada por Alianza Popular e o Partido Demócrata Popular (AP-PDP), conseguindo acta de deputado por Madrid, xa deputado convenceu ao líder da coalición, Manuel Fraga, da necesidade de crear un partido liberal co cal disputar os votos do centro político, Fraga concordou e Scwartz creou a Unión Liberal, partido que se uniu á coalición que pasou a denominarse AP-PDP-UL. En 1984, a Unión Liberal fusionouse con outro partido liberal, tomando o seu nome, Partido Liberal.