Unión Demócrata Foral
| Unión Demócrata Foral | |
|---|---|
| Coalición forrmada por: Partido Demócrata Popular (PDP) Partido Liberal (PL) Partido Demócrata Foral (PDF) | |
| Dirixentes e organización | |
| Líder | Jaime Ignacio del Burgo |
| Historia | |
| Fundación | 1987 |
| Disolución | 1991 1 |
| Posicións políticas | |
| Ideoloxía | Centro dereita, rexionalismo navarro, democracia cristiá, liberalismo |
| 1 Integración dos partidos membros da coalición no Partido Popular. | |
Unión Demócrata Foral (UDF) foi o nome dunha coalición electoral española de ámbito navarro que concorreu ás eleccións municipais e autonómicas de 1987. Formábana o Partido Demócrata Popular, o Partido Liberal, que abandonaran pouco antes Coalición Popular, e un pequeno partido democristián de ámbito navarro, o Partido Demócrata Foral. A súa cabeza de lista para as eleccións ao Parlamento de Navarra foi Jaime Ignacio del Burgo, do Partido Demócrata Popular.[1]
UDF obtivo 3 deputados nas eleccións ao Parlamento de Navarra, grazas aos 17.663 votos conseguidos (6,32%), e formou un grupo parlamentario propio.[2] En 1989, tras a refundación do Partido Popular, na que se integraron os partidos que compuñan UDF, os dous parlamentarios de Alianza Popular integráronse no grupo parlamentario de UDF, creando o Grupo Parlamentario Popular composto por 5 membros.[2]
UDF tamén conseguiu un concelleiro no concello de Pamplona.[3]
Notas
[editar | editar a fonte]- ↑ Resultados das eleccións autonómicas en Navarra, na páxina de eleccións españolas de Carles Tek]
- ↑ 2,0 2,1 Crónica sumaria da segunda lexislatura do Parlamento de Navarra (1987-1991), por Martín Mª Razquin Lizárraga, letrado maior do Parlamento de Navarra