Tsikada
Tsikada (índice GRAU 11F643) foi unha serie de satélites de navegación civís da Unión Soviética en primeiro lugar e despois de Rusia.[1][2]
Características
[editar | editar a fonte]Os satélites Tsikada formaban un sistema de navegación civil usado pola mariña mercante soviética, pola Academia de Ciencias e tamén polo exército. Era o equivalente ao sistema militar Parus e os satélites eran similares. Tiñan forma cilíndrica e estaban presurizados. Estabilizábanse mediante gradente gravitatorio e tiñan unha masa duns 820 kg, transmitindo en VHF a frecuencias de 150 e 400 MHz. Usaban órbitas de 950 x 1005 km de altura e 82,9º de inclinación orbital. O sistema comezou a ser desenvolvido en 1974, cos primeiros satélites lanzados en 1976 e estando plenamente operativo en 1978. Lanzáronse un total de 21 satélites Tsikada, un deles fallado, entre 1976 e 1995 e todos mediante o cosmódromo de Plesetsk usando foguetes Kosmos-3M. Do sistema participaron tamén os satélites de navegación Nadezhda e Nadezhda-M. Tsikada foi substituído gradualmente polo sistema GLONASS.[2][1]
Historial de lanzamentos
[editar | editar a fonte]| Misión[2][1] | Data de lanzamento[2][1] | Foguete lanzador[2][1] | Notas[2][1] |
|---|---|---|---|
| Tselina-D 1 | 18 de decembro de 1970 | Vostok-2M | Éxito |
| Tsikada 1 | 15 de decembro de 1976 | Kosmos-3M | Éxito |
| Tsikada 2 | 8 de xullo de 1977 | Kosmos-3M | Éxito |
| Tsikada 3 | 29 de novembro de 1977 | Kosmos-3M | Fallo |
| Tsikada 4 | 31 de marzo de 1978 | Kosmos-3M | Éxito |
| Tsikada 5 | 11 de abril de 1979 | Kosmos-3M | Éxito |
| Tsikada 6 | 17 de marzo de 1980 | Kosmos-3M | Éxito |
| Tsikada 7 | 10 de decembro de 1980 | Kosmos-3M | Éxito |
| Tsikada 8 | 4 de setembro de 1981 | Kosmos-3M | Éxito |
| Tsikada 9 | 17 de febreiro de 1982 | Kosmos-3M | Éxito |
| Tsikada 10 | 26 de outubro de 1983 | Kosmos-3M | Éxito |
| Tsikada 11 | 17 de maio de 1984 | Kosmos-3M | Éxito |
| Tsikada 12 | 30 de maio de 1985 | Kosmos-3M | Éxito |
| Tsikada 13 | 23 de xaneiro de 1986 | Kosmos-3M | Éxito |
| Tsikada 14 | 13 de novembro de 1986 | Kosmos-3M | Éxito |
| Tsikada 15 | 29 de xaneiro de 1987 | Kosmos-3M | Éxito |
| Tsikada 16 | 23 de xuño de 1987 | Kosmos-3M | Éxito |
| Tsikada 17 | 5 de febreiro de 1991 | Kosmos-3M | Éxito |
| Tsikada 18 | 9 de marzo de 1992 | Kosmos-3M | Éxito |
| Tsikada 19 | 12 de xaneiro de 1993 | Kosmos-3M | Éxito |
| Tsikada 20 | 24 de xaneiro de 1995 | Kosmos-3M | Éxito |
| Tsikada 21 | 5 de xullo de 1995 | Kosmos-3M | Éxito |