Trezenzonio
| Actividade | |
|---|---|
| Ocupación | monxe  |
Trezenzonio foi un monxe galego ao que a tradición atribúe a proeza de poder divisar e ata visitar unha das illas do Paraíso. As súas aventuras foron recollidas no Trezenzonii de Solistitionis Insula Magna, un códice medieval redactado en latín no século XI.
Historia[editar | editar a fonte]
Tras ser saqueada Galicia por unha das múltiples razzias coa que os musulmáns atribularon a rexión no século VIII, Trezenzonio dirixiuse á Torre de Hércules da Coruña. Alí dirixiu a súa mirada cara ao mar, onde con axuda dos primeiros raios do amencer puido divisar a chamada Grande Illa do Solsticio (Magna Insula Solistitionis), que estaba consagrada a Santa Tegra. Decidiu navegar cara a aquel lugar e tras desembarcar na illa arribou á cidade de Cesárea, onde destacaba unha gran basílica adornada con xoias e pedras preciosas. O clima naquela illa era delicioso, e había comida en abundancia. A dor, a fame, o medo e as desgrazas eran inexistentes. Permaneceu nela durante sete anos e, unha vez transcorrido este tempo, un anxo aparecéuselle e encomendoulle navegar de regreso a Galicia.
Por resistirse ás ordes divinas foi castigado coa lepra, e tivo que contemplar impotente como se podrecían durante o traxecto de regreso as probas que sobre a existencia da Grande Illa do Solsticio acumulara na nave. Trezenzonio, arrepentido, dirixiuse tralo seu desembarco á cidade de Tui, onde se atopou con Adelfio, bispo da cidade.
Véxase tamén[editar | editar a fonte]
 |
A Galifontes posúe textos orixinais acerca de: Trezenzonii de Solistitionis Insula Magna |
Bibliografía[editar | editar a fonte]
- Díaz y Díaz, M. C. (1985). Visiones del Más Allá en Galicia durante la Alta Edad Media, Santiago de Compostela: Bibliófilos Gallegos.
- Azevedo, Pedro de (1918). "Viagem á ilha de Solistitionis (Ms. do século XIV)". Boletim da Classe de Letras. 12, 622-629. Academia das Ciências de Lisboa.
- Lopes Frazão da Silva, Andréia Cristina (2013). "Algumas considerações sobre a obra De Solistitionis Insula Magna". XXVII Simpósio Nacional de História. Natal.