Tralas luces

Tralas luces
Título Tralas luces
Instancia de filme
Xénero documental
Lingua orixinal lingua galega
Cor en cor
Autoría
Director/a Sandra Sánchez
Compositor/a Acho Estol
Guionista Sandra Sánchez
Director/a fotografía Sandra Sánchez
Editor/a de cine Sandra Sánchez
Publicación
Produtor/a Fernanda del Nido
Compañía produtora Tic Tac Producciones
Recadación 4.437,1 €
Premios Premio Mestre Mateo á mellor dirección (2011)
Datas
Data de publicación 30 de setembro de 2011
Dimensión
Duración 112 min
Localización
Lugar de rodaxe Galicia  País de orixe España
Fontes e ligazóns
Redes
Wikidata

Tralas luces é unha longametraxe galega producida en 2011 con dirección de Sandra Sánchez. É un documental e estreouse en Galicia o 30 de setembro de 2011.

Sinopse

Tralas luces é a historia dunha viaxe. A viaxe de Lourdes, unha feirante que percorre na súa caravana as estradas do norte de España xunto coa súa familia e coa súa pista de coches de choque ás costas.

Hai anos, a pista era o seu gran soño. Fundou unha familia e meteuse en gastos, pero os soños teñen vida propia. Lourdes afoga nas súas esperanzas e ninguén parece decatarse.

A través de estradas, pobos e aldeas, descubriremos un mundo en perigo de extinción, unha vida itinerante e, sobre todo, unha gran historia de amor e de perda.

A película, en palabras da autora

A película naceu co obxectivo de facer un retrato colectivo dunha forma de vida nómade, o dos feirantes ambulantes. Porén, a idea inicial foise transformando, centrándose a rodaxe na vida dunha familia, especialmente da matriarca.

A rodaxe durou 9 meses, nos que se conseguiron 200 horas de gravación.

Premios

Nos Premios Mestre Mateo 2011, o filme acadou os seguintes premios:

• Mellor longametraxe documental
• Mellor dirección (Sandra Sánchez)
• Mellor montaxe (Sandra Sánchez e Nahum C. Fiuza)

Véxase tamén

Outros artigos

• Lista de filmes en galego con maior recadación

Ligazóns externas

• Web oficial de Tralas luces
• Imaxes
• Tráiler
• "Los choques de la vida", crítica en El País, 30 de setembro de 2011.
• Festival de San Sebastián