A terra das covas pintadas[1] (na versión orixinal The Land of Painted Caves) é unha novela histórica escrita pola autora estadounidense Jean M. Auel en 2011. É o sexto e derradeiro libro da serie Os fillos da terra. Describe o regreso Jondalar ó seu fogar xunto con Ayla.
A historia continúa coa historia de Ayla, a moza criada cos Neanderthal protagonista da saga. Ayla integrouse totalmente na Novena Caverna dos zelandonii, o pobo do seu compañeiro Jondalar, malia as súas peculiaridades e excentricidades. Ayla por fin decidiuse a ser adestrada como acólito da Primeira que Serve á Nai para se converter en Zelandoni (feiticeira). Compatibiliza o seu período de iniciación e aprendizaxe grazas á axuda que lle presta Jondalar e a súa familia co coidado da súa pequena filla, Jonayla. Toda a tribo integrou o uso das innovacións que Ayla e Jondalar trouxeron da súa longa viaxe, como o lanzavenabres e as pedras do lume, e mesmo se acostumaron á presenza dos cabalos e do lobo.
