Billy (Vince Vaughn) e Nick (Owen Wilson), dous comerciais de cuarenta anos que perderon o seu emprego, chegan á conclusión de que o seu problema consiste en non terse adaptado ás novas tecnoloxías. Deciden entón buscar traballo na empresa máis popular de Internet: Google. Cando conseguen un contrato en prácticas como bolseiros, veranse obrigados a competir con espelidos mozos universitarios que o saben todo sobre o mundo dixital.
