Buggles

Buggles
Instancia de grupo musical
Epónimo The Beatles
Xénero new wave
Composto por Trevor Horn Geoff Downes Bruce Woolley (pt)
Selo discográfico Island Records
Obra
Discografía The Buggles discography (en)
Obra salientable Video Killed the Radio Star (pt)
Datas  Fundación / creación 1977  Inicio de actividade 1977  Fin de actividade 1982
Localización  Lugar de formación Wimbledon
Identificadores VIAF 144393514 ISNI 0000000106672076 Freebase /m/01jcb1c
Fontes e ligazóns
Wikidata C:Commons

Buggles foi unha banda de música pop/rock formada en 1977 por Geoff Downes (percusións, teclados) Trevor Horn (baixo, guitarra, percusións, voces) e Bruce Woolley. Antes do seu primeiro disco Wooley deixou a banda para formar Camera Club xunto con Thomas Dolby e Hans Zimmer.

Biografía

Buggles saltaron á fama co seu primeiro sinxelo publicado a finais de 1979: Video Killed the Radio Star, que chegou a estar no primeiro posto nas listas do Reino Unido. O valor novedoso da canción conduciunos a ser percibidos como unha banda dun só éxito: Co sinxelo The Plastic Age acadaron o número 16, pero o éxito foi suficiente para lanzar a ambos membros a carreiras exitosas. O videoclip da canción, dirixido por Russell Mulcahy, foi o primeiro emitido pola cadena MTV, o 1 de agosto de 1981. Esta canción tamén existe como unha gravación de Camera Club. A canción aparece no primeiro álbum do grupo, The Age of Plastic (1980)

Despois Horn e Downes comezaron a traballar nun segundo proxecto, co grupo Yes, que perderan ó vocalista Jon Anderson e ó tecladista Rick Wakeman.

Coa ruptura de Yes a principios de 1981, o traballo continuou co segundo álbum de Buggles, pero Downes axiña deixou ó grupo (uníndose á banda Asia co seu compañeiro Steve Hove). Horn continuou traballando no segundo álbum, Adventures in Modern Recording, con novos músicos. Este álbum incluíu a canción I am a Camera, unha versión alternativa de Into the Lens do disco de Yes Drama.

O son da banda estivo caracterizado por unha calidade sintética coa tecnoloxía como principal tema das súas cancións. Horn declarou que escolleu o nome "Buggles" para a súa banda porque "foi o nome máis repelente no que pensei naquel tempo".

Buggles nunca saíron de xira, sendo unha creación de estudio. Fixeron algunha actuación co propósito de promover o segundo álbum.

Discografía

Álbums

• The Age of Plastic (1980)
• Adventures In Modern Recording (1982)

Sinxelos

• "Video Killed the Radio Star" (1979) #1
• "The Age Of Plastic" (1980) #16
• "Clean Clean" (1980) #38
• "Elstree" (1980) #55
• "Adventures In Modern Recording" (1981)

Ligazóns externas

• vídeoclip de Video Kill the Radio Star