Temple of the Dog

Temple of the Dog
Instancia de grupo musical  Composto por Chris Cornell Stone Gossard Matt Cameron Mike McCready Jeff Ament Eddie Vedder  Nome oficial Temple of the Dog (mul)  Xénero artístico rock alternativo grunge
Obras e produtos  Discografía Temple of the dog discography (en)
Datas  Fundación / creación 1990  Inicio de actividade 1990  Fin de actividade 1992
Localización  Lugar de formación Seattle
Identificadores VIAF 157315655 ISNI 0000000121932841 Freebase /m/01gh8x
Fontes e ligazóns  Páxina WEB templeofthedog.com
Wikidata

Temple of the Dog é unha banda de rock creada por algúns amigos en homenaxe ao cantante Andrew Wood. Andrew foi o vocalista de Mother Love Bone, unha das bandas pioneiras do grunge, e morreu en marzo de 1990, vítima dunha sobredose de heroína.

Formaron parte deste proxecto dous integrantes de Soundgarden, o vocalista Chris Cornell (que fora compañeiro de piso de Wood) e o batería Matt Cameron; dous membros de Mother Love Bone, o guitarrista Stone Gossard e o baixista Jeff Ament; e dous aínda descoñecidos amigos de Gossard, o vocalista Eddie Vedder e o guitarrista Mike McCready.

A banda editou un único álbum, o auto-titulado Temple of the Dog, en abril de 1991 a través do selo A&M Records. Aínda que foi eloxiado polos críticos musicais no momento do seu lanzamento, o álbum non foi recoñecido ata o ano 1992, cando Vedder, Ament, Gossard e McCready se fixeron coñecidos mundialmente con Pearl Jam.

No ano 2016 a banda saíu de xira para celebrar o 25 aniversario da publicación do seu único traballo.