Televisión comunitaria

Na Galipedia, a Wikipedia en galego.
Saltar ata a navegación Saltar á procura

Unha televisión comunitaria é unha canle de televisión propiedade, operada e/ou programada por un grupo comunitario, xeralmente unha organización sen ánimo de lucro ou cooperativa aínda que nalgúns casos poden ser operadas por institutos, universidades, compañías por cable ou gobernos municipais.

Australia[editar | editar a fonte]

En Australia as canles que teñen este tipo de licenza son C31 Adelaide, 31 Brisbane, C31 Melbourne, West TV, TVS Sydney, LINCTV Lismore e Bushvision Mount Gambier.

Canadá[editar | editar a fonte]

No Canadá por lei as compañías por cable teñen que operar ou emitir televisións comunitarias, a metade da programación ha de realizarse por produtores independentes, normalmente asociacións ou grupos de voluntarios.

Estados Unidos[editar | editar a fonte]

Nos Estados Unidos coñécese como televisión de acceso público ( Public-access television) comezou en 1968, desenvolvéndose despois de que a Federal Communications Commission emitise o coñecido como Third Report and Order[1] en 1972, que requiría a todos os sistemas de cable, dentro dos considerados como 100 primeiros mercados de televisión, a prover tres canles de acceso público (un educativo, un para o goberno local e outro de uso público), a partir de 1976 os sistemas de cable en comunidades con cando menos 3500 subscritores teñen que dispoñer de catro canles de acceso público e permitir acceso ao equipamento e estudios para uso do público .[1].

Notas[editar | editar a fonte]

  1. 1,0 1,1 "Museum TV". Arquivado dende o orixinal o 22 de xuño de 2011. Consultado o 27 de novembro de 2010.