Tachikawa Ki-36
| Tachikawa Ki-36 | |
|---|---|
 | |
| Tipo | avión de cooperación co exército |
| Fabricante | Tachikawa Hikōki |
| Primeiro voo | 20 de abril de 1938 |
| Produción | 1938 - 1944 |
| Unidades construídas | 1 334 |
| Variantes | Tachikawa Ki-55 |
O Tachikawa Ki-36 (designado Ida polos Aliados) foi un avión de cooperación co exército xaponés da segunda guerra mundial. Era un aparello bipraza de á baixa cun motor de pistóns e tren de aterraxe convencional fixo.
Deseño e desnvolvemento[editar | editar a fonte]
O prototipo, equipado cun motor de 450 cabalos Hitachi Ha-13, voou por vez primeira o 20 de abril de 1938. Tendo superado ao Mitsubishi Ki-35 en ensaios comparativos, o Ki-36 foi pedido para iniciar a súa produción en novembro de 1938. A fabricación rematou en xaneiro de 1944 despois da construción dun total de 1 334 unidades, 862 por parte de Tachikawa 862 e 472 por Kawasaki.[1]
Historial operacional[editar | editar a fonte]
O Ki-36 entrou en acción por vez primeira na China onde tivo éxito. Posteriormente, no Pacífico, demostrou ser excesivamente vulnerable aos cazas inimigos. Despois foi trasladado ao máis seguro teatro chinés. Cara o final da guerra o Ki-36 foi empregado como avión kamikaze cunha bomba de 500 kg instalada no seu exterior.[2]
Variantes[editar | editar a fonte]
- Ki-55: adestrador avanzado bipraza.
- Ki-72: versión evolucionada cun motor Hitachi Ha-38 de 600 cabalos e tren de aterraxe retraíble. Non fabricada.