TD-1A
| TD-1A | |
|---|---|
 TD-1A | |
| Tipo | Observatorio espacial |
| Organización | ESRO |
| Data de lanzamento | 12 de marzo de 1972, 1:55 GMT[1][2][3] |
| Foguete portador | Delta N[3][4] |
| Sitio de lanzamento | Base Vandenberg da Forza Aérea[3][5] |
| Obxectivo da misión | Observatorio espacial para altas enerxías.[3][5] |
| Decaemento | 9 de xaneiro de 1980[1] |
| NSSDC ID | 1972-014A |
| Masa | 472 kg[3] |
TD-1A foi un observatorio espacial da antiga axencia espacial europea ESRO lanzado a bordo dun foguete Delta N desde a base Vandenberg da Forza Aérea o 12 de marzo de 1972.[2][3][4][5]
Características[editar | editar a fonte]
TD-1A (Thor Delta 1A) foi un observatorio espacial europeo con sete experimentos a bordo. A súa misión foi observar o ceo no rango do ultravioleta, os raios X e os raios gamma e detectando raios cósmicos. Cinco dos experimentos estaban adicados a observar o ceo en xeral, mentres que dous adicáronse a observar o Sol en raios X e raios gamma.[2][3][4][5]
O satélite, de 472 kg de masa, estabilizábase nos tres eixos e alimentábase mediante paneis solares. Tiña forma de caixa de 1 x 0,9 x 2,2 m, coa parte interior adicada aos subsistemas de comunicacións, enerxía e propulsión e a superior albergando os experimentos científicos. O observatorio estivo funcionando ata maio de 1974, en que se terminou o gas que controlaba a actitude do satélite. TD-1A reentrou na atmosfera terrestre o 9 de xaneiro de 1980.[3][4][5]
Notas[editar | editar a fonte]
- ↑ 1,0 1,1 N2YO (2011). Real Time Satellite Tracking, ed. "TD 1A" (en inglés). Consultado o 29 de xaneiro de 2022.
- ↑ 2,0 2,1 2,2 "Note verbale dated 28 January 2004 from the Permanent Mission of France to the United Nations (Vienna) addressed to the Secretary-General" (PDF) (04-51402 (E)). 2 de marzo de 2004: 4. Consultado o 29 de xaneiro de 2022.
- ↑ 3,0 3,1 3,2 3,3 3,4 3,5 3,6 3,7 NASA (7 de xaneiro de 2022). "TD 1A" (en inglés). Consultado o 29 de xaneiro de 2022.
- ↑ 4,0 4,1 4,2 4,3 Gunter Dirk Krebs (2022). Gunter's Space Page, ed. "TD 1A" (en inglés). Consultado o 29 de xaneiro de 2022.
- ↑ 5,0 5,1 5,2 5,3 5,4 Mark Wade (2022). "TD-1A" (en inglés). Consultado o 29 de xaneiro de 2022.
Véxase tamén[editar | editar a fonte]
 |
Wikimedia Commons ten máis contidos multimedia na categoría: TD-1A  |
