Step by Step

Step by Step é unha serie de televisión estadounidense do xénero comedia de situación que se emitiu do 20 de setembro de 1991 ao 15 de agosto de 1997 na ABC e tras unha mudanza de canle pasou á CBS que a emitiu do 19 de setembro de 1997 ao 26 de xuño de 1998.

Sinopse

A serie transcorre nunha pequena vila do estado de Wisconsin, chamada Port Washington. Frank Lambert un contratista divorciado con tres fillos do seu anterior matrimonio casa con Carol Foster, unha estilista viúva que achega tamén tres fillos, a pesar de seren os dous da mesma cidade non se coñecían cando coincidiron en Xamaica nunhas vacacións e que conduciu a un amor a primeira vista que leva ao seu casamento axiña. Nun primeiro momento os fillos de cada parella non conxenian pero paseniñamente vanse convertendo nunha familia unida.

Elenco

Familia Foster

• Carol, a nai interpretada por Suzanne Somers.
• Dana, Staci Keanan, intelixente e perfeccionista.
• Karen, Angela Watson, aspirante a modelo e vaidosa.
• Mark, Christopher Castile, un chapón tolo polos ordenadores e o estudo.

Familia Lambert

• Frank, Patrick Duffiy, o pai.
• John Thomas ou J.T., Brandon Call, o nugallán da familia.
• Alicia ou Al, Christine Lakin, gústalle vestir e actuar como un rapaz.
• Brendan, Josh Byrne, o tímido da familia.
• Cody, Sasha Mitchell, sobriño de Frank, adolescente excéntrico cun corazón de ouro.

Véxase tamén

Ligazóns externas

• Step by Step na IMDb (en inglés).