Special! Best Mini ~2.5 Maime no Kare~ (スッペシャル!ベストミニ ～2.5枚目の彼～?) é o terceiro álbum do grupo xaponés de J-Pop chamado Berryz Kobo, lanzado ó mercado o 7 de decembro do ano 2005 baixo o selo Piccolo Town e producido por Tsunku. É o terceiro lanzamento realizado pola banda en catro semanas, sendo os dous anteriores o álbum "Dai 2 Seichouki" e o décimo single "Gag 100kaibun Aishite Kudasai". O álbum contén cinco cancións lanzadas previamente nalgún dos single publicados, tendo unicamente unha canción exclusiva do álbum, a chamada "Arigatou! Tomodachi". Maiha Ishimura, un dos membros que formou a banda aparece pero non se lle menciona nos créditos das cancións.
