Sindicato de Profesiones Varias de Meirás

Na Galipedia, a Wikipedia en galego.
Saltar ata a navegación Saltar á procura

O Sindicato de Profesiones Varias de Meirás é un sindicato fundado no ano 1932 na parroquia sadense de Meirás a partir da Asociación Agraria de Meirás, artellada un ano antes.

Características[editar | editar a fonte]

Directiva[editar | editar a fonte]

No 1932 a súa directiva estaba formada por Emilio Corral Sánchez (Presidente), José María Fernández González (Vicepresidente), Manuel Martín Regueiro Sánchez (Secretario), José Chas Muñiz (Vicesecretario), Antonio Carballeira Muñiz (Tesoureiro-Contador), José Babío Portela (Vocal 1º) e Manuel Pardo Babío (Vocal 2º). En torno ao 1933, o seu Presidente era Manuel Prego Chas.

Actuación sindical e cultural[editar | editar a fonte]

Estará vinculado á CNT, e formará parte da Federación Comarcal de Sindicatos de Betanzos (1931-1936) e da Federación Comarcal de Sindicatos de Sada (1936).

No 1933, vencellado ao Sindicato, nacerá o Centro de Estudios Sociales Generación Consciente, coa intención de crear unha biblioteca, organizar conferencias e dotar á parroquia de escolas libres.

A partir do ano 1933, especialmente conflictivo en Galicia, protagonizará un soado conflito co párroco de Meirás, Benigno Mayo Novo, e o propietario dunha leira de Meirás, José Gayoso Barral, que subira drasticamente a renda que cobraba ás dúas familias que a traballaban. Coa colaboración do Sindicato de Oficios Varios de Sada, a Federación Comarcal de San Pedro de Nós, a Federación Comarcal de Betanzos e a CNT tomaríase a finca pola forza en varias ocasións, indo tamén en manifestación a Betanzos. As intervencións, durante o Bienio Radical-Cedista, dos gardas de asalto ocasionarían violentos altercados, con numerosas detencións que lle darían ao conflito dimensións estatais. Finalmente, o párroco sería expulsado da parroquia polos veciños e a casa reitoral socializada.

Guerra Civil[editar | editar a fonte]

O Sindicato de Profesiones Varias de Meirás foi disolto coa sublevación militar do 1936, e dous dos seus membros, Antonio Carballeira Muñiz e Manuel Prego Chas, asasinados.

Véxase tamén[editar | editar a fonte]

Outros artigos[editar | editar a fonte]