Saque de esquina

Na Galipedia, a Wikipedia en galego.
Saltar ata a navegación Saltar á busca
Saque de esquina a prol do equipo branquiazul.

No fútbol o saque de esquina, saque de córner ou córner é un método de continuación do xogo aplicado en caso que o balón saia pola liña de fondo do terreo de xogo e o último en tocar o balón sexa un xogador do equipo defensor.[1]

O saque realízase desde a esquina dos límites do campo co pé, despois do chifre do árbitro. Esta regra forma parte do regulamento de xogo como regra 17.

Marcas no terreo de xogo[editar | editar a fonte]

En cada unha das esquinas do terreo de xogo deberá colocarse unha bandeirola non puntiaguda, cun poste de 1,5 metros de altura mínima. En segundo lugar deberá trazarse un arco dun metro de radio no interior do terreo de xogo en cada unha das esquinas. Opcionalmente poderá trazarse unha marca a 9,15 metros de distancia da liña lateral pola parte exterior da liña de fondo do terreo de xogo.

Formas de saque[editar | editar a fonte]

Xogadores do Rápido de Bouzas e do Centro de Deportes Barco nun córner.
  • Gol olímpico: consiste en meter o balón na portería contraria sen tocar en ningún outro xogador.
  • Saque en curto: consiste en pasar o balón a un xogador do mesmo equipo, que estará situado a menos de 9,15 metros de distancia.
  • Saque en longo: consiste en lanzar o balón á área, para que un xogador do mesmo equipo remate de cabeza ou co pé e intente marcar gol.

Regras[editar | editar a fonte]

  • O balón porase en xogo desde a esquina, concretamente desde dentro do cuadrante da bandeirola.
  • Non se poderá quitar a bandeirola da esquina.
  • Os adversarios permanecerán polo menos a 9,15 metros (10 iardas) do cuadrante de esquina antes do saque.
  • O xogador que lanza o saque de esquina non poderá tocar o balón outra vez ata que outro xogador tóqueo, ata se o balón houber tocado un poste da portería.
  • Non existe a infracción do fóra de xogo se un xogador recibe o balón directamente do saque de esquina.
  • Se durante a execución correcta do saque de esquina, o xogador golpea a un adversario co balón de forma non imprudente ou temeraria e sen o uso de forza excesiva coa intención xogalo unha segunda vez, o árbitro permitirá que o xogo continúe.

Notas[editar | editar a fonte]

  1. F.F. Castelo, Ricardo (1999). "Las leyes del juego". Fútbol: Estructura y Dinámica del Juego (en español) (1ª ed.). Barcelona: INDE Publicaciones. p. 38. ISBN 84-87330-83-5. 

Véxase tamén[editar | editar a fonte]

Ligazóns externas[editar | editar a fonte]