Saber y ganar

Saber y ganar
Instancia de programa de televisión  Título Saber y ganar (es)
Características  Xénero artístico concurso de televisión  Lingua orixinal lingua castelá  Cor en cor
Obras  Narrador/a Juanjo Cardenal Elisenda Roca
Implicados  Creador/a Sergi Schaaff  Presentador/a Jordi Hurtado Rodrigo Vázquez Luis Larrodera (pt)  Director/a Abigail Schaaff Anaïs Schaaff Sergi Schaaff  Compañía produtora RTVE  Distribuidor/a RTVE  Emisora orixinal La 2 TVE Internacional
Datas  Data de comezo 17 de febreiro de 1997
Cifras e dimensións Duración 45 min Número de episodios 8.000 Número de tempadas 29 Formato de imaxe 4:3 e 16:9
Localización  Lugar de rodaxe Sant Cugat del Vallès  País de orixe España
Códigos e identificadores Freebase /m/0479jb3
Fontes e ligazóns  Páxina WEB rtve.es…
Wikidata

Saber y Ganar é un programa de televisión español de ámbito estatal consistente nunha serie preguntas e respostas, dirixido por Anaís Schaaff (anteriormente dirixido por Sergi Schaaff, pero morreu o tres de xaneiro do 2023) e presentado por Jordi Hurtado. Emitido ininterrompidamente dende 1997, é o concurso máis lonxevo da historia da televisión española.

Características

Está presentado por Jordi Hurtado e Elisenda Roca, coa colaboración de Pilar Vázquez, e emítese, en diferido, de luns a venres, ás 15:45, por La 2 de Televisión Española. Desde o 15 de outubro de 2011 tamén é emitido os sábados e domingos ás 15:30. Tamén é transmitido, tamén en diferido, pola Canle Internacional de Televisión Española, dependendo a hora de emisión segundo a zona xeográfica. Os fíos e sintonías musicais están compostos por Victor Martín.

En Saber y Ganar compiten tres concursantes que deben responder correctamente a preguntas de cultura xeral en diversas probas. Cada día, o concursante clasificado en segundo lugar debe superar unha proba máis, Calculadora mixta, para poder conservar o que gañou durante o programa diario. Se non é capaz de superar a proba completamente, levará só a metade do gañado. Os tres participantes teñen a oportunidade de conseguir un diñeiro extra contestando correctamente á penúltima proba, A parte polo todo. O concursante que consiga atinar cal é o todo e responder correctamente ás pistas que se lle van formulando, programa a programa gaña os puntos. Na última proba do programa, o concursante que ten menos puntos ten a posibilidade de volver concursar no programa seguinte se supera O reto.

Considerarase magnífico aquel concursante que supera os sete mil euros, independentemente dos programas que leve concursado. Todos os magníficos da edición dese ano concursarán entre eles e o que consiga gañar volve aos programas diarios.

En 2011, o concursante Víctor Castro bateu a marca de recadación económica, con 78 820 €, que até daquela ostentaba o concursante maño José Manuel Dorado, con 73 780€, sendo ademais ambos os primeiros en chegar de maneira continuada aos cen programas de límite que marca o programa para un mesmo concursante. A pesar dese límite, varios dos concursantes "centenarios" tiveron a oportunidade de reincorporarse ao programa e continuar concursando, e catro deles chegaron aos 200 programas. Foron Víctor Castro, Manuel Romero, Óscar Díaz e David Díaz, sendo este último o que conseguiu a maior recadación na historia do concurso, con 199 650 €.

TVE ten unha páxina dedicada a Saber y Ganar, onde emiten todo o día diferentes edicións de programas anteriores aos actuais.

Concursantes como Ángel Chacón (Almería), Fer Castro (de Santiago) ou David Díaz (madrileño) foron e son verdadeiras máquinas calculando na calculadora humana, mantendo esa emoción de saber cantos segundos lles sobrarán ao completar a proba.

Durante o Nadal, hai uns programas especiais onde institutos de toda España participan no programa. Os institutos escollidos para participar no especial serán equipos de cuarto da ESO. Mais ou menos as probas son coma as dos programas clásicos. Irán acompañados dun profesor (que concursou no formato dos programas diarios). Durante a edición do fin de semana tamén concursarán. Cada equipo, xogará uns dous programas, para tentar clasificarse para a seguinte rolda

Edición do fin de semana

Existe unha versión do fin de de semana no que dous grupos de tres concursantes cada un formarán un equipo (equipo vermello e equipo azul)

Edición do Sábado:

• Batería de sabios: Hai dous equipos que xogarán nesta proba cada un. Primeiro formúlaselles a un equipo un lote de preguntas con dúas opcións a escoller nun total de 90 segundos. Elisenda le preguntas e hai dúas opcións
• Atopa a palabra: Elisenda leerá unha definición e os concursantes deberán ter que atopar a palabra que se corresponda coa definición. Terán un tempo de 60 segundos e o casilleiro estará baleiro coa dificultade de que haberá puntiños e algunhas letras non aparecerán segundo vaia pasando o tempo porque nos casilleiros nos que hai puntiños son as que non se lle facilitarán aos concursantes. Hai tres palabras para descubrir, un concursante de cada grupo, deberá atinar unha palabra de oito ou nove letras (depende do número de casilleiros. Segundo vaia pasando o tempo, Elisenda irá recordando a definición da palabra. Tamén irán pasando o tempo aparecerán letras no casilleiro. Se conseguen atinala antes dos trinta segundos, levará dous puntos o seus equipo e se a conseguen atinar despois dos 30 segundos levará un punto o seu equipo. Se os concursantes non son quen de atinala, nin suma, nin resta a puntuación ó seu equipo.
• Nome oculto: Os concursantes de cada equipo deciden a que proba quere presentarse cada concursante. Neste caso, xogan en grupos de dous. Jordi dilles aos concursantes o tema do que se trata e hai un grupo de letras desordenadas nun casilleiro. Teñen que descubrila antes dos 20 segundos. O primeiro que a atope deberá premer o pulsador. Se non é correcta a resposta, hai rebote. Se ningún dos concursantes acerta a palabra, nin resta nin suma puntuación
• Deletrear a palabra: Consiste en deletrear a palabra pero coa dificultade de facelo ó revés en 20 segundos, tendo en conta tamén os tildes e as diéreses se as houbese. Se o concursante erra, Elisenda volve lerlle a palabra. Se pasados os 20 segundos non foi capaz de deletrear ó revés a palabra correctamente, non suma nin resta puntuación no marcador. A puntuación é dun punto por palabra deletreada correctamente.
• Seguir a pista: Rodrigo Vázquez dará un total de 10 pistas no que os concursantes deberán adiviñar de que se trata. É a ´unha das probas nas que estarán participando os tres concursantes de cada equipo, e entre eles deberán contar e intentar adiviñar do que se está a falar nas pistas. Se queren puntuar deberán, deben de saber de que se trata. Se ningún dos dous grupos de concursantes acerta a palabra, nin resta nin suma puntuación
• Zona de risco: Aquí é unha proba eliminatoria dun concursante. O equipo que consiga superar a proba eliminará o concursante que queira do outro equipo.. O que sexa eliminado irá a zona de descanso é dicir estará alí ata mañá. Despois se mañá (o domingo) quere volver cos compañeiros para axudarlles nas outras probas, deberá acertar o tema que lle deixaron en cada sabio con su tema. Hai dúas cores, unha é o vermello e outra é o azul. Son cinco preguntas acertar, cada unha con tres opcións. Se un equipo a fallase haberá rebote.
• Triatlón: Elisenda realizará unha mixtura de 6 preguntas (calculadora, reto, e preguntas calientes). Na segunda fase formulará tres preguntas máis. Se ao equipo lle quedou algunha da fase anterior terá a posibilidade de comentalo cos seus compañeiros durante uns segundos. Cada pregunta acertada do triatlón vale un punto. O equipo perdedor da proba a anterior, só poderá disputar a proba con dous concursantes do equipo, porque o concursante que falta estará castigado na zona de descanso

Edición do Domingo:

• Cada sabio co seu tema: Nesta primeira proba Elisenda lerá seis temas. Seis temas para tres de cada equipo. Elisenda formulará tres preguntas relacionadas co tema que escolleu o concursante e o concursante terá dúas opcións a escoller. Se falla, non resta e se acerta suma un punto por cada pregunta acertada Nun tema dos seis haberá un sobre, o sobre de Pilar. Se a un dos concursantes escolle o tema e lle sae un sobre, as preguntas valerán o dobre (2 puntos por cada resposta acertada) (Son tres preguntas).
• Enredo de letras: Hay un panel con cunha mixtura de letras. Segundo vaia pasando o tempo, as letras que non son comezarán a desaparecer. A finalidade do xogo é atopar unha palabra concreta de dez letras. Cando vaia pasando o tempo Elisenda dará a letra pola que comeza a palabra. O que hai que facer e formar a palabra. Se ninguén atina a palabra, o programa dará a palabra que se atopaba agochada nese enredo de letras
• Preguntas quentes: Son un total de dez temas, repartidos entre cinco. Un concursante escollerá un tema e dirá a quen quere que lle formulen a pregunta (a un dos dous equipo contrario) que o do equipo contrario terá que responder. Se non acerta, haberá rebote.
• Última chamada: Esta é a proba de clasificación. Aquí decídese que equipo irá ao dobre reto e que equipo irá ao dobre gran minuto. O equipo que ao rematar esta proba teña menos puntos acumulados (cada dez puntos é un comodín), irá ao dobre reto. Haberá un tema e Elisenda formulará preguntas obre ese tema e o concursante terá seis opcións. Por cada pregunta acertada súmaselle un punto. Se o concursante falla (é dicir escolle a opción que non é), réstaselle un punto e se o outro concursante atina, sumará ese punto e mais o do bote, co cal o seu equipo gañará un punto e mailo do bote. Aquí é onde se decide todo, que equipo irá ao dobre reto e cal irá ao dobre gran minuto (Xa que nesta proba (dependendo de se se acerta (suma puntos ao equipo) ou se falla (resta puntos ao equipo).

• Dobre reto: Haberá un total de 14 iniciais (que son 7 iniciais dobres de palabras). Elisenda lerá unha definición de cada palabra e o concursante deberá acertar. Aquí é onde poderán usar os comodíns acumulados durante as probas do Sábado e do Domingo. O tempo para realizala proba é de 100 segundos. Acumularán 100 puntos por comodín sen usar.
  • Se hai rebote e ningún dos concursantes do equipo non usa os comodíns e fallan no rebote vaise para a casa
  • Se hai rebote pero xa se acabaron os comodíns e non sabe a resposta vaise para a casa
  • Se non consome todos os comodíns ou consome algúns, sumaráselle ao equipo 100 puntos por cada comodín sen usar e volverá a próxima fin de semana. Se consome todos os comodíns pero consegue acertar todas as definicións antes de que remate o tempo e sen fallos, tamén volve, pero non acumularán ningún diñeiro extra na proba do dobre reto (100 puntos por comodín sen usar).
  • Se conseguen rematar a proba sumarán 1000 puntos e volverán a próxima semana.
  • Se non conseguen rematar a proba sumarán os puntos das respostas acertadas e non volverán a próxima semana. Nese caso levarán o total do gañado durante os fins de semana concursados. Para a próxima semana, virá un equipo novo que tentará enfrontarse ao equipo gañador do fin de semana
• Dobre gran minuto: Aquí contan os comodíns. Deberán contestar as 15 preguntas sen erros (ou facendo uso dos comodíns dos que dispoñan). Se acertan as quince preguntas sen erros gañarán cinco mil euros. Se usan algún comodín só gañarán 3000 €. Se teñen comodíns sen gastar e por erro din 'paso' tres veces (unha por cada concursante da proba) remataráse a proba. Gañarán o diñeiro da proba relativo ás preguntas acertadas. Se xa gastaron todos os comodíns e erran tamén se acabará a proba. Dispoñen de 120 segundos para completar a proba. Se conseguen completar a proba sen usar os comodíns, gañarán 5000€
• Cada equipo poderá permanecer un total de 25 fins de semana (aínda que vaia algunha vez ao dobre reto). Se lle toca ir a esta proba (a do dobre reto) e a falla, vaise para a casa co total acumulado e no próximo programa virá outro equipo novo. Do mesmo xeito que, unha vez que un equipo supere os 25 fins de semana, xogará un programa especial, que será no fin de semana seguinte no que xogará un só equipo, aquel que estivo en total 25 fins de semana sen perder.
• Proba disto foi o equipo formado por Jose, Manel e Antonio do equipo azul, que conseguiron estar 25 fins de semana no programa
• Outro equipo recente coma as Majas do equipo azul, tamén conseguiron superar os 25 fins de semana. Estrearon o novo decorado, xa que viñan de participar no vello decorado de Saber y Ganar e ademais estrearon novas probas, iso si mantendo o programa algunhas probas clásicas.

Premios

• Premios da Academia da Televisión: Mellor Programa de Variedades e Concurso (1999).
• TP de Ouro: Mellor Concurso. Nomeado en 2003, 2004, 2005 e 2010.

Véxase tamén

Ligazóns externas

• Páxina oficial do programa Saber y Ganar (en castelán)
• Foro principal de Saber y Ganar 2005-actualidade (en castelán)