Russian Circles

Na Galipedia, a Wikipedia en galego.
Saltar ata a navegación Saltar á procura
Russian Circles
Russian Circles Band.png
OrixeChicago, Illinois, Flag of the United States.svg
Período2004 - presente
Xénero(s)rock instrumental, post-metal, post-rock
Selo(s) discográfico(s)Flameshovel, Sargent House, Suicide Squeeze
MembrosMike Sullivan
Dave Turncrantz
Brian Cook
Antigos membrosColin DeKuiper
Páxina webrussiancirclesband.com

Russian Circles é unha banda estadounidense de rock/metal instrumental procedente de Chicago. Nos seus inicios xirou como abreconcertos con grupos como Boris, Isis, Red Sparowes, Minus the Bear, Daughters, Coheed and Cambria, Mono e Pelican, ademais de aparecer no festival SXSW en 2006 e no Bonnaroo en 2009. Tamén actuou de abreconcertos para Tool durante a súa primeira xira no Reino Unido en 2007. O seu nome foi collido dun exercicio usado en xóckei sobre xeo.

Traxectoria[editar | editar a fonte]

A banda foi formada a finais de 2004 polo guitarrista Mike Sullivan e o baixista Colin DeKuiper (ámbolos dous tocaban anteriormente no grupo instrumental Dakota/Dakota), e rapidamente recrutaron ao batería Dave Turncrantz, que tocara na banda de St. Louis Riddle of Steel. No ano 2006 Russian Circles publicaría o seu traballo de estrea, Enter.

En outono de 2007, anunciouse que a banda rompera a súa relación con Colin DeKuiper. Como resultado, as pistas de baixo do seu segundo álbum, Station, serían gravadas polo ex-baixista de Botch e These Arms Are Snakes Brian Cook, que se uniría ao grupo permanentemente. O seu terceiro traballo, Geneva, lanzouse o 20 de outubro de 2009 e chegou ao número 24 da lista Billboard Heatseekers.[1]

No ano 2011 Russian Circles asinou un contrato con Sargent House, que anteriormente só publicara en exclusiva os álbums da banda en edicións limitadas en vinilo. O seu cuarto álbum, Empros, foi lanzado o 25 de outubro de 2011. Tras a edición o grupo iniciou unha xira de promoción xunto con Deafheaven.[2] En maio de 2013 o grupo comezou a gravar o seu quinto traballo de estudio, producido por Brandon Curtis. Memorial publicouse a finais de outubro dese ano e conta con Chelsea Wolfe como vocalista invitada. Xuntos comezarían unha xira por Europa ese mesmo outono.

Discografía[editar | editar a fonte]

Álbum Ano Selo
Enter 2006 Flameshovel/vinilo en Sargent House
Station 2008 Suicide Squeeze Records/vinilo en Sargent House
Geneva 2009 Suicide Squeeze Records/vinilo en Sargent House
Empros 2011 Sargent House
Memorial 2013 Sargent House
Guidance 2016 Sargent House

Notas[editar | editar a fonte]

  1. Billboard (ed.). "Historial nas listas da banda". Consultado o 29 de novembro de 2015. 
  2. Alternative Press (ed.). "Deafhaven announce tour with Russian Circles". Consultado o 29 de novembro de 2015. 

Véxase tamén[editar | editar a fonte]

Ligazóns externas[editar | editar a fonte]