Roque Barcia Ferraces

Na Galipedia, a Wikipedia en galego.
Saltar ata a navegación Saltar á procura
Roque Barcia Ferraces
Nome completoRoque Antonio de Jesús de Barcia Ferraces de la Cueva
Nacemento31 de decembro de 1776
 Piñeiro
Falecemento1838
 Madrid
NacionalidadeEspaña
Ocupaciónpolítico
FillosRoque Barcia Martí
editar datos en Wikidata ]

Roque Barcia Ferraces de la Cueva, nado en Piñeiro (Cora, A Estrada) o 31 de decembro de 1776[1] e finado en Madrid en 1838, foi un comerciante e político galego.

Traxectoria[editar | editar a fonte]

Fillo de Nicolás Juan José Francisco de Barcia Fernández de Ávila (1732-1816) e de Rosa Ferraces Pastor Torrado. Foi funcionario da administración de rendas e aduanas. En 1800 estableceuse en Isla Cristina (provincia de Huelva), onde desde 1809 foi escribán público

De ideoloxía liberal, durante o trienio liberal (1820-1823) desenvolveu unha intensa actividade política en Madrid[2]. Solicitou a prohibición das artes de pesca de arrastre non controladas e introducidas por cataláns e valencianos nas costas de Huelva[3], e pediu que a capital da provincia de Huelva pasase a ser Ayamonte.

Tras a restauración absolutista exiliouse en Portugal. Nunha solicitude presentada á alcaldía de La Redondela en 1829 definíase como comerciante de viños. En 1834 regresou a Madrid, onde residiu até o seu falecemento.

Vida persoal[editar | editar a fonte]

Casou con Teresa Martí Duboy, de Isla Cristina, e tiveron seis fillos e fillas: Filomena, Joaquina (falecida cun ano de idade), Nicolás (falecido cun ano de idade), Hermenegilda, Amparo (finada cun ano de idade) e Roque Barcia Martí.

Obras[editar | editar a fonte]

  • Pequeña memoria de grandes desaciertos sobre la Pesca, Madrid: Imp. de Eusebio Álvarez, 1822.
  • Memoria sobre el establecimiento de Capital de una nueva provincia en la Bética : como será mas rica la nueva Provincia, estableciendose su capital en Huelva, en Moguer, en Valverde del Camino ó en Ayamonte. Madrid, 1822

Notas[editar | editar a fonte]

  1. Bértolo Ballesteros, J. M.; Ferro Pego, L. (2010). "La «Casa de Barcia» en SanMiguel de Cora (A Estrada)" (PDF). A Estrada. Miscelánea histórica e cultural (13): 191–138. 
  2. García Moscardó, E. (2016). "Democracia, república y federación. Una aproximación al proyecto federal de Roque Barcia Martí". Espacio, tiempo y Forma (28): 23-44. 
  3. Campos Carrasco, J. M. (2017). El patrimonio histórico y cultural en el paraje natural Marismas del Odiel: un enfoque diacrónico y transdisciplinar. Huelva: Servicio de Publicaciones de la Universidad de Huelva. p. 379. 

Véxase tamén[editar | editar a fonte]

Bibliografía[editar | editar a fonte]

  • Carmona, Antonio; Caballero, Pablo (2011): Recuerdo de una memoria olvidada. Roque Bárcia Ediciones.