Rodolfo de Benevento
Rodolfo ou Rudolf (tamén Rudolph ou Rodolf) foi o reitor papal do Ducado de Benevento baixo o papa León IX desde 1053 ata 1054.
Traxectoria
[editar | editar a fonte]Rodolfo era un capitán suabo que guiou o continxente de tropas desa orixe na Batalla de Civitate. Os seus homes foron derrotados por Ricardo I de Aversa. Rodolfo foi nomeado reitor de Benevento logo de o Papa concluír un tratado cos normandos. Rodolfo non estivo no posto moito tempo; os volúbeis cidadáns de Benevento chamaron os seus antigos príncipes, aos que expulsaran, Pandulfo III e Landulfo VI.
Fontes
[editar | editar a fonte]- Gregorovius, Ferdinand. Rome in the Middle Ages Vol. IV Part 2. trans. Annie Hamilton. 1905.