Rebelde Way

Rebelde Way
Formato	Telenovela xuvenil
Creado por	Cris Morena
Desenvolvido por	Cris Morena Group; Yair Dori Media Group; Ideas del Sur;
Dirixido por	Martín Mariani
Intérpretes	Benjamin Rojas; Luisana Lopilato; Felipe Colombo; Camila Bordonaba; Diego García; Arturo Bonín
Tema de apertura	Temp. 1:; «Rebelde Way»; «Resistiré»Temp. 2:; «Tiempo»; «Para Cosas Buenas»; «Vas a Salvarte»
País de orixe	Arxentina
Lingua(s)	Castelán
Temporadas	2
Episodios	316
Produción
Produtor(es); executivo(s)	Augusto Di Benedetto
Duración	45 minutos
Distribuidor	Dori Media Group
Emisión orixinal
Canle de orixe	Azul Televisión/Canal 9
Formato de imaxe	720p HDTV
Primeiro episodio	27 de maio 2002
Derradeiro episodio	10 de novembro de 2003
Na rede
	[ editar datos en Wikidata ]

Rebelde Way é unha serie arxentina creada e producida por Cris Morena. Emitiuse orixinalmente a través de Azul Televisión/Canal 9 dende o 27 de maio de 2002 até o 10 de novembro de 2003.^[1] Unha idea orixinal de Cris Morena e producido pola súa empresa, Cris Morena Group, e Dori Media Group, ten un total de 316 capítulos divididos en 139 na primeira tempada e 177 na segunda tempada. A serie emitiuse en moitos países, acadando un éxito xeneralizado.^[2]

Sinopse[editar | editar a fonte]

Primeira tempada[editar | editar a fonte]

A serie conta as vivencias duns adolescentes estudantes internos nun colexio en Buenos Aires, Arxentina, chamado Elite Way School destinado aos fillos das familias máis poderosas e con maior nivel adquisitivo do país. Por outra banda, existe un método de bolsas no cal o aspirante a ingresar na devandita institución realiza un exame, dependendo deste a súa incorporación ao establecemento. Non obstante, un grupo de estudantes cuxo único interese é marxinar e excluír aos bolseiros, denominado A Loxa, realiza maquiavélicas trampas e demais estratexias para conseguir a expulsión destes.

A historia céntrase en catro estudantes do Elite Way School: Mía Colucci (Luisana Lopilato), Pablo Bustamante (Benjamín Rojas), Marizza Pía Spirito (Camila Bordonaba) e Manuel Aguirre (Felipe Colombo) que, por amor á música e a pesar das súas diferenzas, forman unha banda musical, Erreway, a escondidas dos profesores os cales tenta coartar a súa creatividade e capacidade de expresión.

Segunda tempada[editar | editar a fonte]

A segunda tempada comeza co regreso das vacacións de verán dos rapaces do Elite Way. A banda Erreway reafírmase, e fan concertos polo país coa ilusión de gravar un disco que os leve á fama.

Non poden estar ausentes as historias de amor e nesta tempada os amores e desamores son máis intensos ca nunca, os rapaces xa creceron e séntense diferentes. As parellas de Pablo e Marizza, Mía e Manuel, pasan por altos e baixos acadando que triunfe o amor por encima de todos os obstáculos.