Ranger 5

Na Galipedia, a Wikipedia en galego.
Ranger 5
Ranger 3-4-5 Probe.jpg
Unha sonda Ranger do Bloque II.
Tipo Tecnolóxico/científico
Organización NASA
Contratistas principais JPL
Destino actual En órbita heliocéntrica.[1]
Data de lanzamento 18 de outubro de 1962, 16:59 GMT[1][2][3][4]
Foguete portador Atlas-Agena B[2][5]
Sitio de lanzamento Centro Espacial de Cabo Cañaveral, rampla LC-12[2][6]
Obxectivo da misión Fotografía e impacto na superficie luar.[2][6]
NSSDC ID 1962-055A
Masa 342,5 kg[2]
Dimensións Cono cunha base hexagonal de 1,5 m de diámetro e unha altura de 3,1 m.[5]
Potencia 135 vatios[2]
Baterías Baterías de prata e cinc.

Ranger 5 foi a terceira e última sonda do Bloque II do programa Ranger da NASA pensado para enviar sondas non tripuladas á Lúa e fotografiar a súa superficie antes de impactar nela. Foi lanzada mediante un Atlas-Agena B o 18 de outubro de 1962 desde a plataforma LC-12 do Centro Espacial de Cabo Cañaveral.[2][5][6]

Características[editar | editar a fonte]

Ranger 5 foi enviada a impactar contra a superficie luar e comenzar a fotografiala dez minutos antes do choque. A bordo levaba unha cápsula que debería ter soportado o impacto e depositado un sismómetro na superficie. A súa misión tamén incluía medir a radiación gamma no espazo interplanetario, estudar a reflectividade do radar na superficie luar e seguir facendo probas técnicas para desenvolver mellores sondas interplanetarias.[2][3][5][6]

A nave[editar | editar a fonte]

A sonda foi a terceira e última cun deseño do denominado Bloque II, unha mellora das Ranger previas do Bloque I. Estaba formada por unha base hexagonal de 1,5 m de diámetro sobre a cal se atopaba unha estrutura cónica de aluminio de 3,1 m de alto coroada por unha esfera de 65 cm de diámetro formada no seu exterior por madeira de balsa e contendo no seu interior un sismómetro que debería quedar pousado na superficie luar tras o impacto da nave. Ranger 5 levaba tamén un motor para corrección de rumbo e outro para retrofreado. A enerxía eléctrica era proporcionada por dous paneis solares que lle daban á nave unha envergadura de 5,2 m; a enerxía almacenábase nunha batería de prata-cinc de 11,5 kg de peso e 1000 vatios-hora. Acaroada á base atopábase unha antena parabólica de alta ganancia, mentres que o resto de instrumentos repartíanse entre a base e o cono. A bordo atopábase tamén unha antena omnidireccional de media ganancia. As comunicacións corrían a cargo de dous transmisores funcionando a 960 MHz, un cunha potencia de 3 W e outro de 50 mW. O control de actitude era proporcionado por un controlador de estado sólido, por sensores solares e terrestres e por varios por chorros de control. O control térmico era pasivo, mediante recubrimentos dorados, pintura branca e superficies de aluminio pulido.[2][5][6]

Instrumentos[editar | editar a fonte]

Ranger 5 levaba a bordo varios insrumentos:[2][5][6]

  • Unha cámara Vidicon de televisión.
  • Un espectrómetro de raios gamma montado nun mastro de 1,8 m de lonxitude.
  • Un altímetro radar.
  • Un sismómetro a ser deixado na superficie luar tras o impacto, alimentado por seis baterías de prata-cadmio e cun transmisor de 50 mW. Debería ter aterrizado na Lúa a entre 130 e 160 km/h tras separarse do resto da nave momentos antes do impacto.

Perfil da misión[editar | editar a fonte]

Ranger 5 foi inxectada nunha traxectoria de impacto contra a Lúa sen problemas, pero debido a un erro que nunca se chegou a identificar, a nave deixou de recibir enerxía. Tras 8 horas e 44 minutos en voo as baterías agotáronse e perdeuse o contacto coa nave. Ranger 5 pasou a 725 km da superficie luar antes de entrar en órbita arredor do Sol.[2][5][6]

Notas[editar | editar a fonte]

  1. 1,0 1,1 N2YO (2011). Real Time Satellite Tracking, ed. "RANGER 5" (en inglés). Consultado o 6 de decembro de 2016. 
  2. 2,00 2,01 2,02 2,03 2,04 2,05 2,06 2,07 2,08 2,09 2,10 NASA (23 de agosto de 2016). "Ranger 5" (en inglés). Consultado o 6 de decembro de 2016. 
  3. 3,0 3,1 "Letter dated 10 December 1962 from the Permanent Representative of the United States of America addressed to the Acting Secretary-General" (PDF) (62-29259). 12 de decembro de 1962: 2. Consultado o 6 de decembro de 2016. 
  4. Claude Lafleur (2010). "Ranger 5" (en inglés). Consultado o 6 de decembro de 2016. 
  5. 5,0 5,1 5,2 5,3 5,4 5,5 5,6 Gunter Dirk Krebs (2016). Gunter's Space Page, ed. "Ranger 3, 4, 5 (Ranger Block 2)" (en inglés). Consultado o 6 de decembro de 2016. 
  6. 6,0 6,1 6,2 6,3 6,4 6,5 6,6 Mark Wade (2011). "Ranger 3-4-5" (en inglés). Consultado o 6 de decembro de 2016. 

Véxase tamén[editar | editar a fonte]

Outros artigos[editar | editar a fonte]