Racine carrée (do francés: raíz cadrada, estilizado como √) é o segundo álbum de estudio do músico belgaStromae. Lanzouse dixitalmente o 16 de agosto de 2013 e tres días máis tarde en formato físico en Francia e Bélxica. Stromae expresou o seu desexo de incorporar influencias musicais caribeñas e africanas xunto cos seus ritmos inspirados nos anos 90. O álbum, gravado nun ático, explora temas tan diversos como a alienación das redes sociais, asuntos de parella, a discriminación, os cigarros e o cancro de pulmón, a SIDA e figura do pai ausente. Racine carrée recibiu a aclamación da crítica e Stromae conseguiu comparacións co artista Jacques Brel.
