Río Ega

Río Ega
Instancia de río
Localización  Situado en País Vasco Navarra A Rioxa  Conca hidrográfica Conca do Ebro  Desembocadura río Ebro  Afluente Izki River (en) Zelaieta (en) Galgitu (en) Istora (en) Urederra (en) Berron (en)  OpenStreetMap  Coordenadas 42°36′48″N 2°37′27″O
Cifras e dimensións  Lonxitude    113 km  Altitude    290 m  Superficie cunca hidrográfica    1.497 km²
Fontes e ligazóns OpenStreetMap 13364924 Freebase /m/043rgfn
Wikidata C:Commons

O Ega é un río de España, afluente do río Ebro, que discorre case por completo por Navarra.

Nace en Áraba, preto de Lagran, terra que volve cruzar á altura de Santa Cruz de Campezo, onde se lle suman as augas do río Izki. Aínda en chan arabés recibe as augas do río Istora Galbarra, e volvendo a Navarra, as dos arroios de Galbarra e Lazagorria. Preto das localidades de Abaigar e Labeaga amécenselle o Ubaria, o Sardegi e o Zelaieta. Chegando a Estella recibe o río Urederra, e pasada Estella, o río Iranzu. Desemboca no río Ebro na localidade navarra de San Adrián.

Ao longo de 113 quilómetros drena unha superficie de 1.497 km², dos que 416 corresponden a Áraba. O caudal medio do río Ega ao seu paso por Estella é de 13,76 m³/s, o que representa unha achega anual de 476 hm³.