Río Barbate

Na Galipedia, a Wikipedia en galego.
Saltar ata a navegación Saltar á procura
Río Barbate
PNMarismasBarbate-p1020270.jpg
Desembocadura do Barbate
PaísEspaña
NacementoSerra do Aljibe
Altitude920 msmn
Lonxitude80 km
DesembocaduraOcéano Atlántico (Barbate)

O Barbate é un río costeiro do sur de España que corre pola provincia de Cádiz, en Andalucía. Desemboca no Océano Atlántico á altura de Barbate despois de 80 km de lonxitude.

Percorrido[editar | editar a fonte]

As fontes do Barbate atópanse nas estribacións do norte da serra do Aljibe, a 920 msnm, en concreto na Garganta de Puerto Oscuro.[1]​ Na súa cabeceira a pendente é moi pronunciada, discorrendo sobre terreos triásicos, salvando un desnivel de máis de 600 metros en apenas 10 km; a partir de aquí o río descende suavemente sobre terreos eocénicos, cun desnivel de só 200 metros no resto do seu percorrido, que a partir da súa unión co río Alberite flúe por terreos cuaternarios. Dado que o río, que ten unha lonxitude superior ao 80 km, posúe nos seus tramos medio e baixo un desnivel moi pouco acentuado, é numeroso en meandros e tortuosos percorridos.

O sistema do Barbate e os seus afluentes drena unha superficie de 1.290 km² (17,6% da rede provincial gaditana). A súa conca percorre amplas veigas de formación coluvial e chega aos terreos desecados do que foi a lagoa da Janda, recibindo pola súa marxe esquerda ao río Almodóvar. Outros dos seus afluentes son o Rocinejo, o Celemín, o Álamo e o Fraja.

Pasa polos termos municipais de Alcalá de los Gazules, Benalup-Casas Viejas, Vejer de la Frontera (onde forma un desfiladeiro en La Barca de Vejer) e Barbate, onde desemboca formando unhas marismas.

Notas[editar | editar a fonte]

  1. Jerez, Diario de. "De colores". Diario de Jerez (en castelán). Consultado o 22 de xaneiro de 2017.