Procesión do Corpus Christi de Toledo

Procesión do Corpus Christi de Toledo
Tipo	aspecto nunha rexión xeográfica
Aspecto de	Corpus Christi
Patrimonio Cultural
Festas de interese turístico internacional de España
Localización
Localización	Toledo
Coordenadas	39°52′00″N 4°02′00″O
Situado en	Toledo
País	España
[ Wikidata ] [ C:Commons ]

Detalle Custodia

A procesión do Corpus Christi en Toledo (España) é unha festa católica, eucarística de tradición moi antiga que se celebra cada ano nesta cidade. É a festa principal dos toledanos e de gran notoriedade entre os católicos españois, despois de ser declarada en 1980 de Interese Turístico Internacional.

Dende 1595 vénse celebrando na conmemoración do Corpus Christi que é o seguinte xoves ao oitavo domingo despois do Domingo de Pascua (é dicir, 60 días despois do Domingo de Pascua; formalmente é o xoves que segue ao noveno domingo seguinte á primeira lúa chea de primavera do hemisferio norte). Tras establecerse en 1991 o domingo posterior como festividade do Corpus Christi, en 2010 a procesión toledana volveu celebrarse definitivamente o xoves, acolléndose ao calendario litúrxico hispano-mozárabe.