Primeira División de Costa Rica
 | Este artigo (ou sección) está desactualizado(a). A información fornecida mudou ou é insuficiente. |
| Primeira División de Costa Rica | |
|---|---|
| Fundación | 1921 |
| Rexión |  Costa Rica |
| Equipos | 12 |
| Actual campión | LD Alajuelense (27º título) |
| Máis laureado | Deportivo Saprissa (29 títulos) |
| Sitio web | Páxina oficial |
A Primeira División de Costa Rica é a competición de máximo nivel da liga profesional de fútbol que se disputa en Costa Rica, organizada pola Unión de Clubs de Fútbol de la Primeira División. Actualmente recibe o nome de Campionato Progol por razóns de patrocinio.
Varios dos clubs máis importantes do país fundaron en 1921 a Federación Costarriqueña de Fútbol, e nese mesmo ano naceu a Liga de Primeira División. Durante moitos anos o campionato contou tan só con 7 equipos. En 1999 foi refundada a federación, o que provocou tamén trocos na liga, que pasou a estar dividida en dous torneos, de Verán e de Inverno. Os dous equipos gañadores xogaban unha final entre si para determinar cal era o campión desa tempada. Dende 2007 cada tempada ten dous campións, correspondentes a cada torneo.
O actual formato da competición consiste nunha liga de 12 equipos que disputan 22 xornadas en dúas voltas, de xeito que cada equipo enfróntase ós outros 11 na casa e fora. Tralo remate das 22 xornadas, os 4 primeiros equipos da táboa disputan as semifinais e final polo título de campión. Tanto o torneo de Inverno como o de Verán teñen o mesmo funcionamento.
Os dous campións acadan o dereito a participar na seguinte edición da Liga de Campións da Concacaf. No caso de que un mesmo equipo gañe o dous torneos, participará en competicións continentais o equipo subcampión con maior puntuación.
O potencial competitivo da liga costarriqueña de fútbol demóstrase no feito de que os seus equipos acadaron a vitoria final na Liga de Campións da Concacaf en 6 ocasións, unha cifra superior á acadada polos equipos norteamericanos da MLS, sendo superados tan só polos equipos do campionato mexicano, que acadaron a vitoria final na máxima competición continental 27 veces.
Equipos 2012[editar | editar a fonte]
Os seguintes 11 equipos competirán polo campionato de Verán 2012. A ausencia dun 12º equipo é debida a razóns económicas, que levaron ó club AD Barrio México a abandonar a competición:
| Equipo | Cidade | Estadio | Capacidade |
|---|---|---|---|
| CD Belén Siglo XXI | Belén | Polideportivo de Belén | 3.000 |
| AD San Carlos | San Carlos | Carlos Ugalde | 6.000 |
| CS Cartaginés | Cartago | Fello Meza | 15.000 |
| CS Herediano | Heredia | Rosabal Cordero | 15.010 |
| Dep Saprissa | Tibás | Ricardo Saprissa | 23.000 |
| LD Alajuelense | Alajuela | Morera Soto | 19.000 |
| Limón FC | Limón | Juan Gobán | 4.500 |
| Pérez Zeledón | Pérez Zeledón | Municipal Otto Ureña | 7.000 |
| Orión FC | Desamparados | San Marcos de Tarrazú | 6.000 |
| Puntarenas FC | Puntarenas | Lito Pérez | 4.500 |
| Santos | Guapíles | Ebal Rodríguez | 6.000 |
Palmarés[editar | editar a fonte]
| Nº Títulos | Equipo | Campionatos obtidos |
|---|---|---|
| 29 |  Dep.Saprissa
|
1952-53, 1953-54, 1957-58, 1962, 1964-65, 1965-66, 1967-68, 1968-69, 1969, 1972,1973, 1974, 1975-76, 1976, 1977-78, 1982, 1988-89, 1989-90, 1993-94, 1994-95, 1997-98, 1998-99, 2003-04, 2005-06, 2006-07, I-2007, V-2008, I-2008, V-2010 |
| 27 |  LD Alajuelense
|
1928, 1939, 1941, 1945, 1949, 1950, 1958, 1959, 1960, 1966, 1970, 1971, 1980, 1983, 1984, 1991, 1992, 1996, 1997, 2000, 2001, 2002, 2003, 2005, I-2010, V-2011, I-2011 |
| 21 |  CS Herediano
|
1921, 1922, 1924, 1927, 1930, 1931, 1932, 1933, 1935, 1937, 1947, 1948, 1951, 1955, 1961, 1978, 1979, 1981, 1985, 1987, 1993 |
| 6 | CS La Libertad
|
1925, 1926, 1929, 1934, 1942, 1946 |
| 3 |  CS Cartaginés
|
1923, 1936, 1940 |
| 2 | Orión FC
|
1938, 1944 |
| 1 |  Mun.Puntarenas
|
1986 |
| 1 | CS Uruguay
|
1963 |
| 1 | Universidad CR
|
1943 |
| 1 | AD Carmelita
|
1961 |
| 1 |  Liberia Mía †
|
V-2009 |
| 1 | Brujas FC †
|
I-2009 |
† = Equipo desaparecido.