Portal:Historia/Sobre Galicia/xuño 2007

Na Galipedia, a Wikipedia en galego.
Saltar ata a navegación Saltar á procura
Castelo da rocha forte Escaleiras 2.JPG

A Fortaleza de Rocha Forte, tamén coñecida como Castelo dos Churruchaos, é un castelo situado na parroquia de Conxo, no concello de Santiago de Compostela, e está catalogado como Ben de Interese Cultural. Foi construído polo arcebispo Xoán Arias cara o ano 1240 e, dende entón, serviu como residencia arcebispal e do cabido, tendo sido testemuña de grande parte da historia medieval de Santiago. No ano 1467 foi destruído con ocasión da revolta irmandiña que estivera precedida no 1458 polo asalto ao castelo por parte da irmandade en Santiago axudada polo conde de Trastámara. Foi unha das primeiras fortalezas en seren derrubadas polas Irmandades durante a Segunda Guerra Irmandiña e, ao contrario doutras moitas, nunca foi reconstruída.