Poppy (satélites)

Poppy foi o nome dunha serie de satélites de recoñecemento electrónico estadounidenses sucesores dos satélites Grab.^[1]

Características

Os satélites Poppy foron deseñados e construídos pola Armada dos Estados Unidos de América. Foron lanzados entre 1962 e 1971 e a súa función era detectar e clasificar sinais electrónicos doutras nacións, principalmente de radares soviéticos. Os satélites clasificábanse en tres familias: Poppy 20 polgadas, Poppy 24 polgadas e Poppy multifacetados. Todos foron lanzados mediante foguetes Thor Agena D.^[1]

Poppy 20 polgadas

Os Poppy 20 polgadas foron a primeira xeración de satélites Poppy. Tiñan forma esférica cun diámetro de 20 polgadas (uns 51 cm) máis unha banda cilíndrica central que lle daban ao satélite unha lonxitude de 61 cm. Do corpo do satélite saían varias antenas para a detección de sinais electrónicas. Lanzáronse cinco Poppy 20 polgadas, con só dous chegando a órbita e tres fallando por problemas co foguete lanzador.^[2]

Poppy 24 polgadas

Os Poppy 24 polgadas tiñan un diámetro de 24 polgadas (uns 61 cm) mais unha banda cilíndrica central que aumentaba a lonxitude do satélite a 81 cm. Do corpo do satélite saían varias antenas. A maioría levaban cargas científicas secundarias. Lanzáronse oito Poppy 24 polgadas, con só dous fallos.^[3]

Poppy multifacetados

Os Poppy multifacetados tiñan unha estrutura de 61 cm de diámetro cunha lonxitude de entre 81 e 86 cm. A súa superficie estaba formada por facetas cubertas con células solares para aumentar a potencia dispoñible. Algúns levaban cargas secundarias polas que eran denominados cara ao público para non revelar a súa natureza militar. Lanzáronse once Poppy multifacetados, todos con éxito.^[4]

Historial de lanzamentos

Misión^[1]^[2]^[3]^[4]	Data de lanzamento^[1]^[2]^[3]^[4]	Foguete lanzador^[1]^[2]^[3]^[4]	Notas^[1]^[2]^[3]^[4]
Poppy 3A	13 de decembro de 1962	Thor Agena D	Poppy 20 polgadas. Fallo.
Poppy 3B	13 de decembro de 1962	Thor Agena D	Poppy 20 polgadas. Fallo.
Poppy 4B	15 de xuño de 1963	Thor Agena D	Poppy 20 polgadas. Fallo.
Poppy 4A	15 de xuño de 1963	Thor Agena D	Poppy 24 polgadas. Fallo.
Poppy 4C	15 de xuño de 1963	Thor Agena D	Poppy 24 polgadas. Fallo.
Poppy 5B	11 de xaneiro de 1964	Thor Agena D	Poppy 20 polgadas. Éxito.
Poppy 5C	11 de xaneiro de 1964	Thor Agena D	Poppy 20 polgadas. Éxito.
Poppy 5A	11 de xaneiro de 1964	Thor Agena D	Poppy 24 polgadas. Éxito.
Poppy 6A	9 de marzo de 1965	Thor Agena D	Poppy 24 polgadas. Éxito.
Poppy 6C	9 de marzo de 1965	Thor Agena D	Poppy 24 polgadas. Éxito.
Poppy 6D	9 de marzo de 1965	Thor Agena D	Poppy 24 polgadas. Éxito.
Poppy 7A	31 de maio de 1967	Thor Agena D	Poppy 24 polgadas. Éxito.
Poppy 7B	31 de maio de 1967	Thor Agena D	Poppy multifacetado. Éxito.
Poppy 7C	31 de maio de 1967	Thor Agena D	Poppy multifacetado. Éxito.
Poppy 7D	31 de maio de 1967	Thor Agena D	Poppy multifacetado. Éxito.
Poppy 8A	30 de setembro de 1969	Thor Agena D	Poppy multifacetado. Éxito.
Poppy 8B	30 de setembro de 1969	Thor Agena D	Poppy multifacetado. Éxito.
Poppy 8C	30 de setembro de 1969	Thor Agena D	Poppy multifacetado. Éxito.
Poppy 8D	30 de setembro de 1969	Thor Agena D	Poppy multifacetado. Éxito.
Poppy 9A	14 de decembro de 1971	Thor Agena D	Poppy multifacetado. Éxito.
Poppy 9B	14 de decembro de 1971	Thor Agena D	Poppy multifacetado. Éxito.
Poppy 9C	14 de decembro de 1971	Thor Agena D	Poppy multifacetado. Éxito.
Poppy 9D	14 de decembro de 1971	Thor Agena D	Poppy multifacetado. Éxito.

Notas

↑ ^1,0 ^1,1 ^1,2 ^1,3 ^1,4 ^1,5 Mark Wade (2020). "Poppy" (en inglés). Consultado o 1 de xaneiro de 2020.
↑ ^2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "Poppy (20 in series)" (en inglés). Consultado o 1 de xaneiro de 2020.
↑ ^3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Poppy (24 in series)" (en inglés). Consultado o 1 de xaneiro de 2020.
↑ ^4,0 ^4,1 ^4,2 ^4,3 ^4,4 Gunter Dirk Krebs (2020). Gunter's Space Page, ed. "Poppy (multifaceted)" (en inglés). Consultado o 1 de xaneiro de 2020.

Véxase tamén

Outros artigos

Thor Agena D

[astronautix-1] 1,0 ^1,1 ^1,2 ^1,3 ^1,4 ^1,5 Mark Wade (2020). "Poppy" (en inglés). Consultado o 1 de xaneiro de 2020.

[gunter1-2] 2,0 ^2,1 ^2,2 ^2,3 ^2,4 Gunter Dirk Krebs (2020). Gunter's Space Page, ed. "Poppy (20 in series)" (en inglés). Consultado o 1 de xaneiro de 2020.

[gunter2-3] 3,0 ^3,1 ^3,2 ^3,3 ^3,4 Gunter Dirk Krebs (2020). Gunter's Space Page, ed. "Poppy (24 in series)" (en inglés). Consultado o 1 de xaneiro de 2020.

[gunter3-4] 4,0 ^4,1 ^4,2 ^4,3 ^4,4 Gunter Dirk Krebs (2020). Gunter's Space Page, ed. "Poppy (multifaceted)" (en inglés). Consultado o 1 de xaneiro de 2020.

[1]

[2]

[3]

[4]