Polbo á mugardesa
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2020.) |
| Polbo á mugardesa | |
 | |
| Orixe | Mugardos,  Galicia
|
| Gastronomía | Gastronomía de Galicia |
| Ingredientes | |
| Orixe animal | Polbo |
| Orixe vexetal | Pataca Cebola Pemento Allo Aceite de oliva |
| Condimentos | Loureiro Pemento (condimento) |
O polbo á mugardesa é un prato principal de polbo orixinario da vila mariñeira de Mugardos. Este xeito de servir o polbo pódese tomar todo o ano nos establecementos hostaleiros da vila mariñeira da ría de Ferrol.
Receita e ingredientes
[editar | editar a fonte]- Polbo (un ou dous kg limpo)
- Patacas (un ou dous kg)
- Dúas cebolas grandes (picadas)
- Pemento verde e vermello (limpo e cortado en tiras)
- Un dente de allo (moído)
- Aceite (de oliva), sal (gordo), pemento doce e picante (moído)
- Folla de loureiro
Preparacións
[editar | editar a fonte]O polbo limpo xa mallado métese suxeito pola cabeza tres veces na auga fervendo para que estea tenro. Non se coce na auga, a isto chámano "asustar" ao polbo.
Na tixola co aceite de oliva quente sofrítese as cebolas e o dente de allo picados xuntos (sen deixar que se queimen), cando estean fritidos engádense os pementos en tiras. Cando estea ao punto engádese un pouco de pemento doce e picante (ao gusto), bótase logo o polbo cortado en anacos, e déixase fritir 15 ou 20 minutos.
Sérvese en pratos normais (non de madeira) acompañado de patacas cocidas enteiras ou cachelos.
Véxase tamén
[editar | editar a fonte] |
O Galilibros ten un manual sobre: Polbo á mugardesa |