Placa suramericana

Placa suramericana
Instancia de Placa tectónica  Composto por Cráton São Luís (pt) Cráton São Francisco (pt) Cráton Rio de la Plata (pt) Cráton Amazônico (pt)
Localización  Comparte fronteira con Placa africana Placa do Norte dos Andes (pt) Placa do Caribe (pt) South Sandwich Plate (en) Placa do Altiplano (pt) Placa antártica Placa de Scotia (pt) Placa de Nazca (pt) Placa norteamericana
Fontes e ligazóns Freebase /m/02h52h
Wikidata C:Commons

A placa suramericana é unha placa tectónica formada pola litosfera continental e pola litosfera oceánica, é dicir, mixta, que contén América do Sur e o suroeste do océano Atlántico. Está rodeada pola placa africana polo leste, pola placa caribeña e norteamericana polo norte, pola placa de Nazca polo oeste e pola placa antártica polo sur.

Evolución

Panxea

Laurasia e Gondwana hai 200 millóns de anos.

Hai 225 millóns de anos formaba parte do supercontinente Panxea. O continente suramericano estaba unido a África polo leste e a Norteamérica polo norte.

Hai 180 millóns de anos a Panxea separouse. A placa suramericana pasou a formar parte da metade meridional, Gondwana. Aínda seguía unida a África.

Hai 135 millóns de anos comezouse a formar o Atlántico Sur, pola formación da dorsal suratlántica.

Hai 65 millóns de anos, seguía crecendo o océano Atlántico, mentres a placa de Nazca comezou a subducir por debaixo da placa suramericana, o que provoca a formación da cordilleira dos Andes.

Na actualidade segue crecendo o océano Atlántico a unha velocidade aproximada de 3 cm por ano. Ademais a placa de Nazca segue subducindo, o que provoca unha alta actividade sísmica no oeste de Suramérica.

En teoría, e sempre que non haxa un cambio, a placa suramericana tende a acercarse a Asia e a Australia, reducíndose o océano Pacífico. No futuro poderían chegarse a unir Suramérica con Australia e Asia.

A placa suramericana atópase no centro do mapa, pintada con morado.

Véxase tamén

Outros artigos

• Tectónica de placas
• Placa tectónica