Pepita Tudó
| Pepita Tudó | |
|---|---|
 | |
| Nome completo | Josefa Petra Francisca de Paula de Tudó y Catalán |
| Alcume | Pepita Tudó |
| Nacemento | 19 de maio de 1779 e 1779 |
| Lugar de nacemento | Cádiz |
| Falecemento | 20 de setembro de 1869 e 1869 |
| Lugar de falecemento | Madrid |
| Soterrada | camposanto de San Isidro |
| Nacionalidade | España |
| Ocupación | dama de companhia e modelo |
| Cónxuxe | Manuel Godoy |
| Fillos | Manuel Luis de Godoy y Tudó e Luis Carlos de Godoy y Tudó |
| Na rede | |
  | |
| [ editar datos en Wikidata ] | |
Pepita Tudó ou Josefina Tudó y Catalán, nada contra 1785 e finada en Madrid en 1869, foi unha condesa española, coñecida por ser modelo de Francisco de Goya en dous famosos cadros.
Traxectoria[editar | editar a fonte]
Pepita Tudó, orfa dun artilleiro gaditano, viviu desde os 16 anos xunto coa súa nai Catalina e as súas irmás Magdalena e Socorro na casa de Manuel Godoy, á que acudiu a súa nai reclamando os pagos atrasados de viuvez. Pepita foi amante de Manuel Godoy xa cara a 1800, pero a raíña obrigou a este a que contraese matrimonio coa princesa María Teresa de Borbón (matrimonio por outra banda moi favorable a Godoy no socioeconómico). En 1828 ao falecer María Teresa de Borbón puideron oficialmente contraer nupcias Pepita Tudó e Manuel Godoy, aínda que se considera que contraeran anos antes un matrimonio secreto. En 1805 nace, o primeiro fillo de ambos, Manuel, e en 1807 Luís.
En 1807, a instancias do influente Godoy, Carlos IV concedeulle a Josefina Tudó o título de condesa de Castillo Fiel e vicecondesa de Rocafuerte.
O dramaturgo, tamén español, Ceferino Palencia escribiu a novela Pepita Tudó obviamente inspirándose na biografiada no artigo presente. Aínda que quizais o máis interesante de Josefina Tudó é que, con altísimas probabilidades é ela a retratada nos xustamente soados cadros de Goya: La maja vestida e La maja desnuda.
