Penedo dos Lobos

Na Galipedia, a Wikipedia en galego.
Saltar ata a navegación Saltar á procura

Coordenadas: 42°16′15″N 7°16′17″O / 42.270707, -7.271282 Penedo dos Lobos é un recinto militar romano de campaña dos mellor conservados do noroeste peninsular e un dos situados a máis altura de Galicia, 1466 metros. Está pendente de ser estudado sendo datado en época alto imperial (século I a.C.-III d.C.).[1] Está situado a 2,5 km ao leste da Estación de montaña Manzaneda. Foi identificado en 2016 por Rubén F. Lorenzo Pérez.[2]

Ten unha orientación norte sur e forma rectangular. Medindo de N-S 160 metros e L-O uns 130 metros. Conta cunha superficie de 2,34 hectáreas, para unha unidade militar de entre 800 e 1000 soldados. Considérase un campamento de marcha, un recinto militar construído durante o avance da columna militar, non estable e ocupado durante moi pouco tempo. Conserva as portas orixinais de acceso ao recinto construído en pedra.

Intervención arqueolóxica en 2018[editar | editar a fonte]

A campaña arqueolóxica foi feita polo Instituto de Ciencias do Patrimonio (Incipit) do CSIC, o concello de Manzaneda, e máis o Grupo de Investigación Síncrisis do Departamento de Historia da Universidade de Santiago de Compostela en agosto de 2018. Permitiu descubrir a presenza militar romana máis antiga documentada ata o momento en Galicia, ligada cronoloxicamente á época das Guerras Cántabras.

O colectivo romanarmy.eu dirixido polo investigador do Instituto de Ciencias do Patrimonio (Incipit) do CSIC João Fonte foi quen de localizar material militar romano, entre o que se atopan as características chatolas das sandalias romanas (caligae) e moedas (As) cuñadas por Publio Carisio (quen fora legado do primeiro emperador Octavio Augusto durante as Guerras Cántabro-Astures) entre o 25 e o 22 a.C. para pagar aos lexionarios que participaban nas campañas bélicas.[3]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]