Paseo de Zorrilla

Na Galipedia, a Wikipedia en galego.

Coordenadas: 41°38′44″N 4°43′57″O / 41.64555556, -4.7325

No vértice do triángulo que debuxa o Campo Grande, a Plaza de Zorrilla é o inicio do Paseo de Zorrilla.

O Paseo de Zorrilla é a principal arteria da cidade de Valladolid. Parte da praza do mesmo nome ata finalizar na Estrada de Rueda, xunto ás chamadas Puertas de Valladolid, obra do artista valisoletano Cristóbal Gabarrón.

O paseo recibiu ao longo da súa historia diferentes nomes: Paseo de Álvarez Taladriz, Camino Real Nuevo de Madrid, Camino Real Viejo de Madrid, Rúa de Puente Duero, Carretera de Puente Duero ou Acera de Sancti Spíritus ata o 23 de xaneiro de 1893, data na que o Concello outorgou ao paseo o nome do escritor valisoletano José Zorrilla.

Nel atópanse a Academia de Cabalaría, o Campo Grande, o Hospital Militar, o Centro Comercial Avenida, a Igrexa da Inmaculada Concepción e a praza de touros, entre outros edificios.