Parámetro trófico
Un parámetro trófico é aquel que permite avaliar a acumulación e transferencia de enerxía ou materia que se produce nun ecosistema, é dicir, informa do fluxo de enerxía que avanza polo ecosistema no seu conxunto ou dun nivel trófico a outro.
Tipos[editar | editar a fonte]
Hai varios parámetros de interese:
- Biomasa (B): é a masa seca ou húmida de todos os organismos que forman un nivel trófico ou ecosistema, por unidade de superficie ou volume.
- Produción (P): é a cantidade de enerxía que se almacena en forma de biomasa en cada nivel trófico, ou no ecosistema, por unidade de superficie ou volume e por unidade de tempo. Dentro da produción distinguimos:
- Produción bruta (PB): é a cantidade total de enerxía capturada por un nivel trófico determinado e por unidade de tempo.
- Produción neta (PN): é a cantidade total de enerxía capturada por un nivel trófico determinado e por unidade de tempo, tras descontar a enerxía gastada na respiración celular (R); é dicir, é a enerxía que realmente se converte en biomasa por unidade de tempo, e que pode ser aproveitada por outros niveis (PN=PB-R). En función do nivel trófico tamén podemos distinguir entre:
- Produción primaria: é a enerxía capturada polos produtores dun ecosistema.
- Produción secundaria: é a enerxía capturada polos consumidores mediante a alimentación.
- Produtividade (p). Este valor expresa a "rendibilidade" dun nivel trófico, pois relaciona a súa produción anual coa súa biomasa inicial (p=P/B). Podemos falar da produtividade bruta (pB=PB/B) e da produtividade neta ou taxa de renovación (r=PN/B). Este parámetro varía entre 0 e 1; no plancto ou nun campo de cultivo é moi elevado e acércase ó valor 1 (100%) debido á gran rapidez de renovación da biomasa. Nun bosque maduro é moito menor, próxima ó 0, pois posúe unha gran biomasa, e a produción emprégase simplemente para repoñer a dita biomasa e para a respiración.
Este artigo ou categoría carece de ligazóns interlingüísticas. Engádellas premendo na opción "Engadir ligazóns" da columna da esquerda e escribindo o código de lingua e mais o nome correspondente a este artigo ou categoría nesa lingua. Logo diso retira o modelo {{Seniw}} da páxina.Colabora connosco neste artigo e noutros en condicións semellantes para que a Galipedia mellore e medre. |