Orora Gongju

Princess Aurora
Ficha técnica
Título orixinal	Orora Gongju; 오로라공주
Director	Bang Eun-jin
Guión	Bang Eun-jin; Kim Chang-rae; Seo Min-hee
Intérpretes	Uhm Jung-hwa; Moon Sung-keun
Música	Jae-hyeong Jeong
Fotografía	Yeong-hwan Choi
Distribuidora	Cinema Service
Estrea	2005
Duración	106 minutos
Orixe	Corea do Sur
Xénero	Suspense
Na rede

Este artigo amosa escritos coreanos. Sen o soporte axeitado, o texto pode mostrar símbolos sen sentido, coma caixas, marcas e outros.

Orora Gongju (en hangul 오로라공주) é un filme surcoreano dirixido por Bang Eun-jin que se estreou no 2005. Malia que se estreou con menos promoción, a súa temática violenta valeulle a comparación co filme Sympathy for Lady Vengeance, estreado o mesmo ano. Foi o debut como director e guionista da actriz Bang Eun-jin.

Sinopse[editar | editar a fonte]

Unha muller é asasinada nuns grandes almacéns. Ninguén se imaxina que os asasinatos seguirán, pero dous días despois aparece outra vítima. Unha muller é afogada e a única proba na escena do crime é un adhesivo cunha personaxe de debuxos animados, "Princess Aurora". Un veterano detective comeza a sospeitar da fermosa Jung Sun jung pero non llo di a ninguén, xa que Jung é a súa ex muller. Os asasinatos seguen e o adhesivo de "Princess Aurora" atópase ó carón de tódolos cadáveres.