Organigrama

Un organigrama é a representación gráfica da estrutura dunha empresa ou organización. Representa as estruturas departamentais e, nalgúns casos, as persoas que as dirixen, compoñendo un esquema sobre as relacións xerárquicas e competenciais na organización.

O organigrama é un modelo abstracto e sistemático, coa función de ser unha idea uniforme da estrutura formal dunha organización. Debe conter os elementos indispensábeis e ser sinxelo de utilizar.

Clases de organigramas

Pola finalidade

• Informativos: só amosa os grandes departamentos da empresa.
• De análise: reflicte grandes e pequenos departamentos.

Pola extensión

• Xerais: representan todos os departamentos da empresa.
• De detalle: representan só un departamento en concreto.

Polo contido

• Estrutural: toda a estrutura da empresa.
• Funcional: o contido do departamento.
• De persoal: representan as persoas que dirixen.

Pola forma

• Vertical: mostra as xerarquías seguindo unha pirámide, de arriba cara abaixo.
• Horizontal: mostra as xerarquías de esquerda a dereita.
• Mixto: é unha combinación entre os dous anteriores.
• Circular: a autoridade máxima está no centro, formándose arredor círculos concéntricos onde se poñen os xefes inmediatos.
• Escalar: empréganse sangrías para sinalar a autoridade, canto maior é a sangría, menor é a autoridade dese cargo.
• Tabular: é igual que o escalar, só que mentres que o escalar leva liñas que unen os mandos de autoridade, o tabular non.

Ligazóns externas

• Definición de organigrama de varios autores (en castelán)