Notícia de torto

Na Galipedia, a Wikipedia en galego.
Saltar ata a navegación Saltar á procura
Anverso do documento.
Reverso do documento.

A Notícia de torto é un manuscrito en pergamiño medieval datado en 1215 ou 1216,[1] considerado o segundo documento máis antigo en lingua galego-portuguesa, posterior á Notícia de Fiadores. Tal título, porén, é rexeitado por algúns autores coma Ramón Lorenzo que o considera "un híbrido latino-galego-portugués", mentres que outros nin sequera o consideran un documento.

O título é unha referencia á súa primeira liña (De noticia de torto que feceru(m) a Laure(n)cius Ferna(n)diz).[1]

Nel, Lourenço Fernandes da Cunha fai un minucioso relatorio das malfeitorías feitas polos fillos de Gonzalo Ramires.[1] O pergamiño, medindo 313 por 170 milímetros, escrito por ambas caras, foi atopado no mosteiro feminino de Vairão, e consérvase no Arquivo Nacional Torre do Tombo de Lisboa.[1] Probabelmente este escrito sexa unha tradución doutro en lingua latina, característica empregada adoito nos documentos medievais.

Notas[editar | editar a fonte]

  1. 1,0 1,1 1,2 1,3 "Notícia de Torto". Arquivo Nacional da Torre do Tombo. Arquivado dende o orixinal o 24 de setembro de 2017. Consultado o 22 de marzo de 2016.