Nic Dalton

Na Galipedia, a Wikipedia en galego.
Saltar ata a navegación Saltar á procura
Nic Dalton
Nacemento14 de novembro de 1964 (57 anos)
OrixeCamberra, Australia
Ocupaciónmúsico
Instrumento(s)baixo, guitarra, batería
Relacionado conPlunderers, Godstar, Sneeze, the Gloomchasers, Love Positions, Ratcat, The Lemonheads, the Handlebars
Tempo en activo1983 - actualidade
Na rede
http://halfacow.com.au/artists.php?page=discography&artist=A175
Musicbrainz: e8025754-575f-43a8-9f40-995885b6095b Songkick: 2061704 Discogs: 404187 Editar o valor em Wikidata

Nic Dalton, nado en Camberra o 14 de novembro de 1964, é un músico australiano, coñecido por ser baixista da banda estadounidense de rock alternativo The Lemonheads no momento máis alto de popularidade. En Australia leva o selo Half A Cow, e foi membro durante moito tempo dos grupos Sneeze e Godstar con Tom Morgan, ademais de tocar en Ratcat e The Hummingbirds.

Traxectoria[editar | editar a fonte]

Dalton comezou a interesarse pola música durante a súa adolescencia. Mentres vivía en Camberra tocou nos grupos Girls With Money, Get Set Go e The Plunderers, esta última formouse nesa cidade, pero trasladouse a Sydney en 1985, onde realizaron concertos e editaron material co nome Hippy Dribble and Captain Denim.

No ano 1989, Dalton fundou o selo Half A Cow, e abriu unha tenda de disco e libros en Sydney. No ano seguinte, Robyn St. Clare, baixista de The Hummingbirds deixou a banda durante o seu embarazo, e Dalton ocupou o seu posto durante unha xira por Australia como abreconcertos da banda estadounidense The Lemonheads. Evan Dando, o vocalista de The Lemonheads, fíxose amigo de Dalton e do seu compañeiro de banda en Sneeze Tom Morgan. Colaboraron xuntos musicalmente e o resultado do traballo de composición de Dando e Morgan sería o álbum It's a Shame about Ray, editado en 1992.

The Lemonheads[editar | editar a fonte]

It's a Shame About Ray contou con Juliana Hatfield no baixo e nos coros xa que Dalton non puido chegar aos Estados Unidos para a súa gravación, e cando Hatfield se centrou na súa carreira en solitario Dando convidou a Dalton a unirse á banda como baixista. Dalton accedeu a pesar de estar neses momentos en Sneeze e Godstar.

Dalton tocou con The Lemonheads durante dous anos e medio, e gravou o álbum Come on Feel the Lemonheads de 1993. Co-escribiu a canción "Dawn Can't Decide" con Dando, e o resto dos temas poron compostos por Dando e Tom Morgan, agás o sinxelo "Into Your Arms", feito por Robyn St. Clare.

Despois de realizar a xira de promoción deste álbum Dalton deixou a banda e regresou a Australia. Dalton insistiu en que non había problemas entre el e Dando, e que regresaba porque botaba de menos á súa familia e aos seus amigos. Nic ensaiou con Dando e Murph, o batería de Dinosaur Jr., para a gravación de Car Button Cloth, editado en 1996, pero finalmente decidiu a invitación de quedar na banda.

Dalton tocou o baixo para Evan Dando durante a súa xira do 2003 por Australia, pero enfermou gravemente despois dun concerto en Melbourne, polo que aí finalizou a súa xira co seu vello compañeiro.