Naro 1, antes coñecido como KSLV 1 (Korea Space Launch Vehicle 1) foi un lanzador lixeiro de Corea do Sur usado desde o Centro Espacial Naro. Naro 1 foi o primeiro lanzador orbital surcoreano, consistente nunha primeira etapa rusa case idéntica á URM 1 usada nos foguetes Angara pero cun motor RD-151, menos potente que o RD-191 usado no foguete ruso. A segunda etapa é un foguete de propelente sólido desenvolvido por Corea do Sur con control nos tres eixos. Naro 1 era capaz de lanzar satélites moi lixeiros e dos tres intentos de lanzamento so un tivo éxito. O seu sucesor foi o foguete Nuri.[1][2]