Megascolides australis
| Megascolides australis | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Estado de conservación | |||||||||||||||
 En perigo | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Megascolides australis McCoy, 1878 | |||||||||||||||
Megascolides australis é unha especie de verme anélido oligoqueto de enorme tamaño (de 1 a 3 m de lonxitude) que é nativo de Australia. Coñécese localmente co nome karmai, procedente da lingua bunwurrung aborixe ou, en inglés, como verme xigante de Gippsland, xa que vive na rexión de Gippsland.[1]
Descrición
[editar | editar a fonte]Este verme "xigante" mide como media 1 m de longo (pero pode chegar aos 3 m) e uns 2 cm de diámetro, pero o seu corpo pode expandire e contraerse facendo que pareza moito máis grande. Como media pesa uns 200 g.[2][3] Ten unha cabeza púrpura escura e un corpo gris azulado, e duns 300 a 400 segmentos corporais.[1]
Ecoloxía
[editar | editar a fonte]Viven en solos de arxilas azuis, grises e vermellas ao longo das ribeiras de ríos e alguúns outeiros orientados cara ao oeste ou sur dos hábitats que lles quedan da rexión de Gippsland en Victoria, Australia. Viven en sistemas de túneles profundos e necesitan auga no seu ambiente para facilitar a súa respiración.[1] Teñen unha vida relativamente longa para un invertebrado e tardan ata 5 anos en chegar á madurez. Reprodúcense nos meses cálidos e producen cápsulas de ovos de 4 a 7 cm de longo, que poñen nos seus túneles. Cando fan eclosión 12 meses despois miden 20 cm de longo.
A diferenza da maioría dos oligoquetos, que depositan excrementos térreos tipo compost na superficie, pasan case toda a súa vida nos túneles a uns 52 cm de profundidade e alí depositan os seus excrementos, e normalmente só son desaloxados de alí se hai chuvias moi fortes.[2] Normalmente son lentos, pero cando se moven rapidamente a través dos seus túneles, poden causar unha especie de gorgolexo audible ou son de succión que permite detectalos.[4][5]
Especie ameazada
[editar | editar a fonte]As colonias deste verme son pequenas e illadas,[6] e a especie ten baixas taxas de reprodución e unha lenta maduración, o que fai que esas pequenas poboacións sexan vulnerables.[6] Os seus hábitats naturais son praderías, e aínda que pode vivir baixo pasteiros,[6] o cultivo da terra, o pasto intenso do gando e a escorredura superficial de augas teñen efectos adversos para a especie.[6] Necesita un solo húmido e margoso para prosperar e a plantación densa de árbores afecta negativamente a esta humidade do solo, e fai o hábitat menos apropiado para a especie.[6] Non se conseguiu que se reproducise en catividade.[2][1] Considerábase especie vulnerable e agora especie en perigo.[7][8]
Turismo
[editar | editar a fonte]O interese neste peculiar verme foi aproveitado localmente para desenvolver unha industria turística local e un festival Karmai en Korumburra e construíuse o Museo do Verme Xigante en Bass, Victoria[9] situado no Wildlife Wonderland Park, ata que pechou en 2012.,[10].[11]
Notas
[editar | editar a fonte]- ↑ 1,0 1,1 1,2 1,3 "Species Profile and Threats Database. Megascolides australis — Giant Gippsland Earthworm". AU Environment. Consultado o 14 December 2013.
- ↑ 2,0 2,1 2,2 "Giant Gippsland Earthworm". Museum Victoria. Arquivado dende o orixinal o 14 de decembro de 2013. Consultado o 14 December 2013.
- ↑ Diversity of Soil Fauna and Ecosystem Function, Biology International. Retrieved on October 23, 2008.
- ↑ Action Statement: Giant Gippsland Earthworm. Retrieved on July 23, 2012.
- ↑ "Copia arquivada". Arquivado dende o orixinal o 19 de setembro de 2016. Consultado o 10 de maio de 2020.
- ↑ 6,0 6,1 6,2 6,3 6,4 Victoria Resources Online: Giant Gippsland Earthworm Arquivado 26 de outubro de 2013 en Wayback Machine.. Retrieved on July 23, 2012.
- ↑ World Conservation Monitoring Centre (1996). "Megascolides australis". IUCN Red List of Threatened Species. 1996. Retrieved 11 May 2006. Listed as Vulnerable (VU D2 v2.3)[1]
- ↑ Lista de especies en perigo. IUCN3.1 australis&searchType=species Megascolides australis
- ↑ "National Recovery Plan for the Giant Gippsland Earthworm" (PDF). Department of Sustainability and Environment. 2010.
- ↑ "Closure of Wildlife Wonderland Park near Bass". Victoria Department of Environment and Primary Industries.
- ↑ "Giant Earthworm Museum". Atlas Obscura. Consultado o 29 March 2014.
Véxase tamén
[editar | editar a fonte]Outros artigos
[editar | editar a fonte]- Outros vermes "xigantes"
- Microchaetus rappi - Un verme "xigante" de África do sur, como media de 1,4 m, con exemplares de varios metros.
- Amynthas mekongianus - Un verme do sueste asiático de case 3 m.
- Driloleirus americanus - Unha especie vulnerable norteamericana de ata 1 m de longo.
- Driloleirus macelfreshi - Emparentado co anterior, con espécimes de ata 1,3 m de longo.
- Lumbricus badensis - De ata 60 cm de longo. Vive na Selva Negra, Alemaña.
Ligazóns externas
[editar | editar a fonte]- Giant Gippsland earthworm na páxina web do Museum Victoria
