Maxia do caos

Na Galipedia, a Wikipedia en galego.

A maxia do caos é unha moderna forma de maxia na cal a principal regra é que non existe regra ningunha. O mago do caos pode usar calquera ritual ou cerimonia, de calquera sistema de maxia ou relixioso, para conseguir un obxectivo marcado pola súa vontade, e evitar usar os mesmos métodos.

O mago do caos parte da base de que a realidade non é máis ca un fluxo de información desestruturada recibida polos sentidos e ordenada a través da mente e dos conceptos, que son adquiridos e modificábeis a vontade. Grazas a isto, segundo esta filosofía, pódese modifica-la realidade a vontade e a antollo do practicante.