Aleister Crowley

Aleister Crowley
	;
Biografía
Nacemento	(en-gb) Edward Alexander Crowley ; 12 de outubro de 1875 ; Royal Leamington Spa, Reino Unido (pt)
Morte	1 de decembro de 1947 (72 anos); Hastings, Reino Unido (pt)
Causa da morte	Bronquite
Datos persoais
País de nacionalidade	Reino Unido (1922–); Reino Unido de Gran Bretaña e Irlanda (–1922)
Relixión	Thelema
Educación	Trinity College ; Eastbourne College (en) ; Tonbridge School (en) ; Malvern College (en)
Actividade
Campo de traballo	Ocultismo
Ocupación	dramaturgo , montañista , astrólogo , xadrecista , fundador , escritor , ocultista , autobiógrafo , novelista , compositor de xadrez
Membro de	Orde Hermética da Alba Dourada ; Astrum Argentum (pt) ; Ordo Templi Orientis (pt) ; masonaría
Movemento	Thelema
Pseudónimo literario	H. D. Carr
Lingua	Lingua inglesa
Deporte	xadrez
Participou en
1902	1902 Karakoram expedition (en)
Obra
	Obras destacables 777 and Other Qabalistic Writings of Aleister Crowley (en) ; (1904) Liber AL vel Legis (pt) ; (1954) Magick Without Tears (en) ;
Arquivos en	Centro Harry Ransom [ MS-01002]; Louis Round Wilson Library (en) 11049-z; Coleccións Especiais e Arquivos Universitarios da Universidade de Victoria [ SC181] ;
Familia
Cónxuxe	Rose Edith Kelly (pt) (1903–1909)
Parella	Greta Valentine (en)
	Sinatura

Aleister Crowley, nado co nome de Edward Alexander Crowley en Leamington o 12 de outubro de 1875 e finado en Hastings o 1 de decembro de 1947, foi un ocultista, escritor, místico e hedonista británico. Coñecido polos seus escritos ocultistas, especialmente The Book of the Law, o texto sagrado central do Thelema.

Traxectoria[editar | editar a fonte]

Fillo dun millonario cervexeiro galés, pronto quedou orfo e herdou unha gran fortuna. Foi criado por dúas tías solteiras que pertencían ós Irmáns de Plymouth, unha igrexa protestante moi puritana, estudou en Cambridge, onde por primeira vez empezou a sentirse libre lonxe da súa familia: desa época datan os seus primeiros ensaios, novelas e poesías eróticas. Como ocultista adoptou, a modo dun dos seus nomes máxicos, o de Baphomet, para o que deseñou un símbolo, baseándose nun deseño orixinal tallado en pedra.

Ingresou no Templo de Isis-Urania da Orde Hermética da Aurora Dourada de carácter rosacruciana: enfrontado con outros membros da orde como William Butler Yeats e S. L. McGregor Mathers, deixou a orde e creou a organización ocultista Astrum Argentum (A:.A:.), chegando tamén a ser cabeza visible da OTO (Ordo Templi Orientis), tamén foi membro honorífico doutras sociedades secretas e loxas masónicas.

Retirouse a Escocia, preto da localidade de Foyers onde mercou unha casa a beiras do famoso Lago Ness á que chamou Pazo de Boleskine. Alí, de acordo co antigo costume escocés de chamar "Laird" a un terratenente, fíxose chamar Laird de Boleskine e Abertarff.

Crowley chamou Iluminismo Científico ó seu sistema para a A:. A:. e para divulgar os ensinos do mesmo escribiu, xunto con varios colaboradores, a serie de revistas chamadas "O Equinoccio" (The Equinox). O lema do Iluminismo Científico é "O método da Ciencia, o obxectivo da Relixión", lema no que, conforme aclara o propio Aleister Crowley, "está expresado todo".